Usio žadajučyja zmohuć raźvitacca z Kastusiom Tarasavym zaŭtra, u čaćvier, a 12-j hadzinie pa adrasie Mašerava, 8 (siadziba BNF). Tam ža, a 13.30, adbudziecca hramadzianskaja panichida.
Znakamity biełaruski piśmieńnik, historyk i žurnalist Kastuś Tarasaŭ pamior na 70-m hodzie žyćcia. Pra heta stała viadoma ŭ paniadziełak.
***
Kastuś Tarasaŭ naradziŭsia ŭ Minsku 10 kastryčnika 1940 h. u siamji słužačych.
Pa skančeńni siaredniaj škoły pracavaŭ ślesaram zborščykam na Minskim miechaničnym zavodzie. Skončyŭ Biełaruski palitechničny instytut (1965), pracavaŭ u Paŭnočna zachodniaj hieałahičnaj ekśpiedycyi. Potym u vydaviectvie «Vyšejšaja škoła», na kinastudyi «Biełaruśfilm», časopisie «Nioman» (1977-1983), haziecie «Litaratura i mastactva», časopisie «Spadčyna», haziecie «Svaboda». Apošnija miesiacy drukavaŭ histaryčnyja narysy ŭ «Novym časie».
Kastuś Tarasaŭ drukavaŭsia ad 1966 h. Aŭtar histaryčnych apovieściej pra minułaje Biełarusi: «Dzień raśsiejańnia» (pra Hrunvaldskuju bitvu, 1980), «Pahonia na Hrunvald», ramana «Try žyćci kniahini Rahniedy». Aŭtar kultavaha ŭ 1980 ja — pieršaj pałovie 1990 ch zbornika «Pamiać pra lehiendy» (pieršaje vydańnie ŭ 1984 h, druhoje pašyranaje vyjšła ŭ 1990-m). Cełaje pakaleńnie 80-kaŭ i 90-kaŭ vyrasła na jahonych tvorach.
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi8
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary