Supracoŭniki milicyi pieraškadžajuć prajezdu ŭ Minsk demakratyčnych aktyvistaŭ dla ŭdziełu ŭ śviatkavańni Dnia Voli.
Pavodle źviestak pres‑słužby arhkamiteta pa stvareńni partyi «Biełaruskaja chryścijanskaja demakratyja», pryblizna ŭ 13.45 na vakzale ŭ Babrujsku (Mahiloŭskaja vobłaść) byli zatrymany aktyvisty arhkamiteta Taisija Kabančuk, Ihar Kazimirčyk, Jaŭhien Vaśkovič i Maksim Čarniak. Vaśkoviča i Čarniaka abvinavacili ŭ tym, što jany nibyta pieravoziać narkatyčnyja rečyvy. Kabančuk i Kazimirčyka zatrymali dla pravierki dakumientaŭ.
Jak paviedamiŭ lider arhanizacyi «Pravy aljans» Juryj Karetnikaŭ, pry vyjeździe z Lidy (Hrodzienskaja vobłaść) byli zatrymany piać členaŭ arhanizacyi, jakija nakiroŭvalisia ŭ Minsk na mašynie. Kiroŭca Pavieł Tuchačeŭski paśpieŭ paviedamić, što supracoŭniki milicyi spynili aŭtamabil i ŭručyli ŭsim piaci pozvy, zhodna ź jakimi jany pavinny źjavicca ŭ miascovaje adździaleńnie milicyi ŭ 18.00. U pozvach śćviardžajecca, što ŭsie vyklikajucca ŭ jakaści śviedak, ale nie ŭkazana, pa jakoj spravie.
Kamientary