Sicichausy, kłubnyja damy, žyćcio ŭ styli chiuhie: u Tarasavie pad Minskam pačynajucca prodažy kvater u novym kompleksie

Zabudoŭščyk apisvaje žyły kompleks «Hrand Viładž» u Tarasavie jak aŭtarski kamierny žyły kompleks u skandynaŭskim styli, raźmieščany za piać chvilin ad Minska. Pavodle jaho słoŭ, atmaśfiera kvartała «napoŭnienaja fiłasofijaj chiuhie».

Pavialičyć

Pad «chiuhie» majecca na ŭvazie raspaŭsiudžanaja ŭ Danii kancepcyja stvareńnia ŭtulnych, ciopłych i funkcyjanalnych prastor, jakija spryjajuć kamfortu i ščaściu. Klučavyja elemienty: naturalnyja materyjały, miakkaje aśviatleńnie, niejtralnyja kolery, vialikija vokny dla śviatła i suviazi z pryrodaj, minimalizm z asabistymi detalami, a taksama stvareńnie prastory, spryjalnaj dla adpačynku i dobrazyčlivaha čałaviečaha kantaktu.

Pavialičyć

Pavodle infarmacyi zabudoŭščyka, prajekt uklučaje 13 damoŭ roznaha farmatu:

— sicichausy (6—7 pavierchaŭ);

— kłubnyja damy (3—5 pavierchaŭ ź nievialikaj kolkaściu kvater).

Pieršapačatkova płanavalisia taksama taŭnchausy — dvuchpaviarchovyja błakiravanyja žyłyja damy z asobnym uvachodam i terytoryjaj pry domie. Adnak, jak adznačaje ŭ svaim telehram-kanale ekśpiertka pa nieruchomaści Natalla Litoŭskaja, pa rendarach vidać, što taŭnchausy pakul pad pytańniem.

U małapaviarchovych manalitnych damach zaprajektavanyja kvatery płoščaj ad 35 da 80 kvadratnych mietraŭ. Na pieršych pavierchach praduhledžanyja kvatery z ułasnymi terasami. Usie vokny ŭ kompleksie buduć mieć pavialičanuju płošču, uvachody ŭ padjezdy buduć znachodzicca na ŭzroŭni ziamli.

Pavialičyć

Zabudoŭščyk abiacaje, što ŭvieś kompleks ahulnaj płoščaj 16 hiektaraŭ budzie mieć aharodžanuju terytoryju ź sistemaj videanazirańnia i dvary biez aŭtamabilaŭ. Dla transpartu buduć pabudavany dva šmatuzroŭnievyja parkinhi vyšynioj 4 i 5 pavierchaŭ na 960 mašynamiescaŭ.

Taksama zajaŭlajecca, što na terytoryi kvartała buduć raźmieščanyja sučasnyja dziciačyja i spartyŭnyja placoŭki, piešachodnaja aleja ź viečnazialonym kustoŭjem, zony dla adpačynku, miescy dla barbiekiu, placoŭka dla vyhułu sabak, a taksama dziciačy sad na 150 miescaŭ.

U płanach — zialony skvier u skandynaŭskim styli z art-abjektami i handlovy centr.

Pavialičyć

Pieršy dom, ź jakoha pačnucca prodažy ŭžo ŭ hetym miesiacy, — heta 7-paviarchovy budynak z dvuma padjezdami i 94 kvaterami. Kanstrukcyja doma — karkasna-błočnaja. Vyšynia stolaŭ — 2,7 mietra. U chole buduć kalasačnaja i łapamyjka. Taksama płanujucca viełaboksy i adkrytyja viełaparkoŭki.

Pavialičyć

Kvatery buduć zdavacca z tynkavanymi ścienami, ściažkaj padłohi, haryzantalnaj razvodkaj aciapleńnia, padviedzienym optavałakonnym kabielem, indyvidualnymi ličylnikami vady, ciapła i elektraenierhii, stalovymi radyjatarami i voknami PVCH.

Pieršy padjezd doma maje pa 4 prastornyja kvatery na paviersie, druhi — pa 10 kvater, u tym liku adnapakajovyja i studyi.

Pavialičyć

Žyły kompleks «Hrand Viładž» stvarajecca nie izalavana, a ŭ ramkach maštabnaha prajekta raźvićcia terytoryi, zaćvierdžanaha na siesii Minskaha rajonnaha Savieta deputataŭ. Pavodle hienieralnaha płana, da 2035 hoda nasielnictva vioski Tarasava vyraście z 2500 da 5000 čałaviek. U im źjavicca bolš za tysiaču novych kvater.

U płanach — abjadnańnie viosak Tarasava i Kamiennaja Horka ŭ adzin nasieleny punkt pad nazvaj Tarasava, ahulnaj płoščaj kala 673 hiektaraŭ.

• 3
• 1
• 4
• 2
• 0
• 1
• 1
• 0