U Minsku pradajecca kvatera, jakaja vyhladaje jak muziej savieckaha žylla
Na adnoj ź placovak pa handli nieruchomaściu vykłali abjavu ab prodažy kvatery, jakaja vyhladaje jak muziej savieckaha žylla. Dom, u jakim pradajecca kvatera, pabudavany ŭ 1990 hodzie, tak što faktyčna heta savieckaja kvatera i jość, piša Blizko.by.
Kvatera znachodzicca na trecim paviersie 9-paviarchovaha cahlanaha doma pa vulicy Majakoŭskaha, 154.
Ahulnaja płošča trochpakajovaj kvatery składaje 66,55 kvadratnaha mietra, žyłaja — 38,2 kv. m., kuchnia — 8,5 kv. m., sanvuzieł asobny.
U kvatery vykarystanyja interjernyja rašeńni, jakija byli papularnyja ŭ savieckija hady. Vialikaja modulnaja šafa z bufietam, jakuju nazyvali «ścienka» abo «siekcyja», — jość. Dyvany na padłozie i na ścienach — jość. Šmatlikija stełažy i palički (u tym liku padobnyja da samarobnych) — jość. Kuchnia, prybiralnia i vanny pakoj kapitalna nie abnaŭlalisia i taksama vyhladajuć u poźniesavieckim styli.
Choć možna zaŭvažyć i ślady ramontu z abnaŭleńniami. Naprykład, u adnym pakoi zamiest rodnaha parkieta vykładzieny łaminat. Taksama bačna, što zamienienyja batarei aciapleńnia.
Kvatera pradajecca za 285 tysiač rubloŭ, ci 95 tysiač dalaraŭ. U pieraliku vychodzić, što adzin kvadratny mietr kaštuje 1 427 dalaraŭ.
Sicichausy, kłubnyja damy, žyćcio ŭ styli chiuhie: u Tarasavie pad Minskam pačynajucca prodažy kvater u novym kompleksie
«A treciaj nočy pračynajemsia ad stuku ŭ stol». Minčanie kupili kvateru i ŭžo 12 hadoŭ vajujuć z susiedam
U Minsku pradajuć niestandartnuju 3-uzroŭnievuju kvateru. Cana moža pryjemna ździvić
Ciapier čytajuć
Žurnalist Ihar Karniej raskazaŭ pra zdymki dla prapahandysckaha filma i niečakanuju sustreču ź Dziarždepam padčas źniavoleńnia1
Kamientary