84-hadovaja minčanka addała machlaram 340 tysiač rubloŭ, jakija źbirała ŭnuku na kvateru
U mai žančyna adkazała na dziŭny zvanok, jaki pastupiŭ u vajbier; Toj, chto zvaniŭ, pradstaviŭsia supracoŭnikam žyllova-kamunalnaj słužby i papiaredziŭ žančynu, što pryjšoŭ čas zamianić ličylniki, paviedamlaje SK.
Piensijanierka patłumačyła, što nie maje takoj mahčymaści, bo z-za ŭzrostu ŭ asnoŭnym znachodzicca doma. Adnak «śpiecyjalist» adrazu ž znajšoŭ rašeńnie prablemy: paprasiŭ klijentku nazvać svaje piersanalnyja źviestki. U hety ž momant razmova abarvałasia, i ŭ dyjałoh ustupiŭ nibyta śledčy, jaki paviedamiŭ, što minčanka pieradała kanfidencyjnuju infarmacyju machlaram, i ciapier jany sprabujuć abnulić jaje rachunki.
Chacia z bankami žančyna nie supracoŭničała, łžesupracoŭnik pravaachoŭnych orhanaŭ pierakanaŭ jaje praciahvać znosiny i słuchać dalejšyja ŭkazańni.
Paśla piensijaniercy patelefanavaŭ psieŭdapradstaŭnik Nacyjanalnaha banka. Jon paprasiŭ žycharku stalicy nazvać dakładnuju sumu źbieražeńniaŭ, jakija jana maje, a paśla pieradać ich na pravierku ŭ finansavuju ŭstanovu. Sprava ŭ tym, što dla piensijanierki razyhrali lehiendu pra nibyta nakładzieny aryšt na jaje hrošy i pra nieabchodnaść «lehalizavać» srodki, kab jana mahła dalej imi rasparadžacca.
U hety ž dzień bolš za 340 tysiač rubloŭ minčanka pieradała nieviadomym, jakija dziejničali «ad imia» dziaržaŭnaha banka. Piensijanierka nie sumniavałasia, što robić usio pravilna, i nie chvalavałasia za los svaich finansaŭ.
Na dopycie ŭ śledčaha paciarpiełaja patłumačyła, što hrošy, jakija trapili ŭ ruki ašukancaŭ, jana źbirała dla lubimaha ŭnuka na kvateru. Pra toje, što ŭ stalicy aktyŭna dziejničajuć machlary, jana viedała, ale paddałasia psichałahičnamu ŭździejańniu trecich asob.
Zaviedziena kryminalnaja sprava.
Ciapier čytajuć
Pamiatajecie palitviaźnia Vituchnoŭskaha, jaki pajšoŭ vajavać za Rasiju? Jon užo zahinuŭ2
Pamiatajecie palitviaźnia Vituchnoŭskaha, jaki pajšoŭ vajavać za Rasiju? Jon užo zahinuŭ
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ66
Kamientary