84-гадовая мінчанка аддала махлярам 340 тысяч рублёў, якія збірала ўнуку на кватэру
У маі жанчына адказала на дзіўны званок, які паступіў у вайбер; Той, хто званіў, прадставіўся супрацоўнікам жыллёва-камунальнай службы і папярэдзіў жанчыну, што прыйшоў час замяніць лічыльнікі, паведамляе СК.
Пенсіянерка патлумачыла, што не мае такой магчымасці, бо з-за ўзросту ў асноўным знаходзіцца дома. Аднак «спецыяліст» адразу ж знайшоў рашэнне праблемы: папрасіў кліентку назваць свае персанальныя звесткі. У гэты ж момант размова абарвалася, і ў дыялог уступіў нібыта следчы, які паведаміў, што мінчанка перадала канфідэнцыйную інфармацыю махлярам, і цяпер яны спрабуюць абнуліць яе рахункі.
Хаця з банкамі жанчына не супрацоўнічала, лжэсупрацоўнік праваахоўных органаў пераканаў яе працягваць зносіны і слухаць далейшыя ўказанні.
Пасля пенсіянерцы патэлефанаваў псеўдапрадстаўнік Нацыянальнага банка. Ён папрасіў жыхарку сталіцы назваць дакладную суму зберажэнняў, якія яна мае, а пасля перадаць іх на праверку ў фінансавую ўстанову. Справа ў тым, што для пенсіянеркі разыгралі легенду пра нібыта накладзены арышт на яе грошы і пра неабходнасць «легалізаваць» сродкі, каб яна магла далей імі распараджацца.
У гэты ж дзень больш за 340 тысяч рублёў мінчанка перадала невядомым, якія дзейнічалі «ад імя» дзяржаўнага банка. Пенсіянерка не сумнявалася, што робіць усё правільна, і не хвалявалася за лёс сваіх фінансаў.
На допыце ў следчага пацярпелая патлумачыла, што грошы, якія трапілі ў рукі ашуканцаў, яна збірала для любімага ўнука на кватэру. Пра тое, што ў сталіцы актыўна дзейнічаюць махляры, яна ведала, але паддалася псіхалагічнаму ўздзеянню трэціх асоб.
Заведзена крымінальная справа.
Цяпер чытаюць
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары