Adnakurśnik pra kachanka Mielnikavaj: Łabiejeŭ jašče va ŭniviersitecie časam vykarystoŭvaŭ psieŭdanim «Hardziejeŭ»
Patajemnym kachankam źnikłaj śpikierki Kaardynacyjnaj rady Anžaliki Mielnikavaj byŭ 32-hadovy Alaksiej Łabiejeŭ, supracoŭnik biełaruskich śpiecsłužbaŭ. Jon karystaŭsia pašpartam na imia Alaksieja Hardziejeva.
Łabiejeŭ-Hardziejeŭ vučyŭsia na vajskovym fakultecie BDU i jaho sakurśnik, ź jakim daviałosia parazmaŭlać Jeŭraradyjo, byŭ vielmi ździŭleny źjaŭleńniu daŭniaha znajomaha ŭ navinach.
«Bo ja jaho pamiataju zvyčajnym, prostym čałaviekam, i naviny pra hetaje zdareńnie ź Mielnikavaj dla mianie vyhladajuć niejak siurrealistyčna», — kaža nam eks-adnakurśnik ahienta.
Nijakich asablivych uspaminaŭ pra Łabiejeva nie było — chłopiec nijak nie vydzialaŭsia.
«Łabiejeŭ ničoha takoha nie rabiŭ, pamiataju jaho ŭśmiešlivym i absalutna zvyčajnym, ničym asabliva nie vybitnym kursantam. Z pacanskimi zamaškami, ale jany tam byli amal uva ŭsich. Jon vučyŭsia na vajskovaha psichołaha. Darečy, ja ŭzhadaŭ kudy jon byŭ raźmierkavany — heta hrupa artyleryi 6-j bryhady ŭ Hrodnie. Ja zvolniŭsia z vojska ŭ 2018-m hodzie, i kali nie pamylajusia, na momant majho zvalnieńnia jon usio jašče byŭ tam», — dadaje surazmoŭca.
Cikavy fakt: pa słovach sakurśnika, Łabiejeŭ jašče va ŭniviersitecie časam vykarystoŭvaŭ psieŭdanim «Hardziejeŭ», u tym liku padpisvaŭsia tak u sacyjalnych sietkach.
Z čym sakurśnik Łabiejeva-Hardziejeva nie zhodny, dyk heta z tezaj «Insajdara» pra toje, što z vajskovaha fakulteta časta iduć u śpiecsłužby — «heta nie takaja demaničnaja struktura».
«Šmat navučencaŭ — heta ludzi ź viosak, rajcentraŭ, bo jany razhladajuć vajskovuju słužbu jak nadziejnuju opcyju dla zarobku. Bolšaja častka pa raźmierkavańni traplaje ŭ vajskovyja čaści na pasady pa adpaviednaj kvalifikacyi. Ale jość i vyklučeńni — jak praviła, heta dzieci roznych hienierałaŭ ci inšych siłavikoŭ vyšejšaha źviana. Naprykład, kursanty štohod prachodzili praktyku (ad miesiaca da dvuch), čaściej za ŭsio ŭ vajskovych čaściach. Ale voś spadar Mirasłaŭ Cierciel [syn kiraŭnika KDB Ivana Cierciela] jeździŭ na Kubu», — kaža vypusknik fakulteta.
«Mahčyma, jana źbiehła ad kachanka, ci jon jaje zabiŭ, ci jana ŭ Biełarusi». Aŭtar rasśledavańnia pra Anžaliku Mielnikavu
«Mahčyma, pačytvaŭ kursy pikapu». Znajomy bojfrenda Mielnikavaj raskazaŭ pra jaho padčas vučoby ŭ BDU
Žonka ahienta-kachanka Anžaliki Mielnikavaj źviazanaja z arhanizacyjaj Ruskaja madel efiektyŭnaha spakušeńnia
Azaraŭ: Kachanak Mielnikavaj braŭ udzieł u pravakacyi z Azaronkam i byŭ uznaharodžany
Kachanak Anžaliki Mielnikavaj — ahient biełaruskich śpiecsłužbaŭ z pašpartam prykryćcia
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1414
Kamientary