Vystava pravodzicca ŭ padtrymku 20-hadovaj mastački Nastaśsi Piatrovaj (Bahniuk), jakoj daktary pastavili dyjahnaz «vostry lejkoz» (rak kryvi). Jaje maleńkamu synu ŭsiaho čatyry miesiacy.
Dabračynnaja vystava dziciačych malunkaŭ «Sakavickija kacianiaty» adkryłasia ŭviečary 31 sakavika ŭ Nacyjanalnym mastackim muziei. Jana arhanizavanaja mižnarodnym hramadskim abjadnańniem mastakoŭ i mastactvaznaŭcaŭ «Majstar» u miežach štohadovaj mižnarodnaj dabračynnaj vystavy «Sakavickija katy» (25.03—08.04).
Jak paviedamiła kuratar tvorčaj akcyi Ała Naroŭskaja, u ekspazicyi kala 100 rabot 84 chłopčykaŭ i dziaŭčynak ad 4 da 14 hadoŭ. Siarod ich — vychavancy mastackaj studyi «U hości da ciubika» muzieja, minskich dziciačych mastackich škoł №№ 1 i 3, staličnaj mastackaj studyi «Krasny Bor», navučency minskich siarednich škoł №№ 4 i 40, a taksama pacyjenty Respublikanskaha reabilitacyjnaha centra dla dziaciej‑invalidaŭ i dačka pasła Šviecyi ŭ Biełarusi Elik Eryksan.
Vystava pryśviačajecca lubimamu i tajamničamu vobrazu kata. Najstaražytniejšaja vyjava kata, znojdzienaja ŭ Jehipcie, adnosicca da II tysiačahodździa da n.e. U kulturach mnohich narodaŭ śvietu prysutničajuć nie tolki matyvy kata‑vučonaha i kata, jaki zdabyvaje ahoń, ale i kata‑bajuna, jaki siadzić na słupie, raskazvaje kazki, napuskajučy nieadolny son i zabivajučy ludziej. A kot čornaj maści simvalizuje tajamničuju siłu. Vobraz kata znajšoŭ šyrokaje adlustravańnie ŭ litaratury i vyjaŭlenčym mastactvie.
Vystava pravodzicca ŭ padtrymku mastački, 20‑hadovaj vypusknicy Minskaj himnazii №75 z architekturna‑mastackim uchiłam Nastaśsi Piatrovaj (Bahniuk), jakoj daktary pastavili dyjahnaz «vostry lejkoz» (rak kryvi). Jaje maleńkamu synu ŭsiaho čatyry miesiacy. Dla zachavańnia žyćcia maładoj maci nieabchodnaja terminovaja apieracyja koštam 150 tys. jeŭra, jakaja moža być praviedziena ŭ Hiermanii.
Jak zaznačyła mastactvaznaŭca, siabry Naści sabrali 80 młn. rubloŭ, hrošy pieraviali fizičnyja asoby, a taksama UP «Vydaviectva «Biełaruski Dom druku» i RUP «Kryptatech» departamienta Dziaržznaka Ministerstva finansaŭ.
Udzielniki vystavy «Sakavickija katy» i studenty tvorčych VNU vyrašyli dapamahčy Nastaśsi Piatrovaj. «My zapłanavali dabračynnuju akcyju, srodki ad jakoj buduć pieradadzieny mastačcy na praviadzieńnie apieracyi», — skazała Naroŭskaja.
7 krasavika ŭ 17.00 adbudziecca ŭznaharodžańnie ŭdzielnikaŭ vystavy.
Ciapier čytajuć
Biełarus žyvie ŭ domie, jaki pabudavaŭ z sałomy, piasku i hliny. Pry hetym jon — adziny žychar vioski. Jak adčuvańni?7
Kamientary