57‑hadovy inžynier «Biełšyny» zatrymany za raspaŭsiud dziciačaha porna
Jaho dobra viedali i pavažali jak susiedzi, tak i kalehi na pradpryjemstvie.
Upraŭleńniem unutranych spraŭ Mahiloŭskaha abłvykankama zaviedziena kryminalnaja sprava ŭ dačynieńni da inžyniera AAT «Biełšyna», jaki maje niepasrednaje dačynieńnie da dziciačaha pornabiznesu.
Heta pieršaja sprava pa raspaŭsiudzie dziciačaj parnahrafii, zaviedzienaja ŭ 2010 hodzie.
Pavodle papiarednich źviestak, zatrymanamu inkryminujecca, što jon u lipieni‑žniŭni 2009 hoda raspaŭsiudžvaŭ u sietcy Internet parnahrafičnyja materyjały z vyjavaj niepaŭnaletnich.
Zaŭvažym, što hetym razam havorka idzie nie pra maładoha čałavieka, jak heta zvyčajna byvaje, a pra 57‑hadovaha čałavieka, amal piensijaniera, jakoha dobra viedali i pavažali jak susiedzi, tak i kalehi na pradpryjemstvie.
U dačynieńni da inžyniera zaviedziena kryminalnaja sprava pa prykmietach ździajśnieńnia im złačynstva pa č.2 art. 343/1 KK RB (vyrab i raspaŭsiud parnahrafičnych materyjałaŭ abo pradmietaŭ parnahrafičnaha charaktaru z vyjavaj niepaŭnahadovaha, ździejśnienyja z vykarystańniem Interneta, inšaj sietki elektrasuviazi ahulnaha karystańnia albo vydzielenaj sietki elektrasuviazi).
Sankcyja hetaha artykuła praduhledžvaje pakarańnie da 8 hadoŭ pazbaŭleńnia voli. Zaraz śledčyja vyśviatlajuć pachodžańnie pornamateryjałaŭ, jakija raspaŭsiudžvaŭ inžynier.
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ5
Kamientary