57‑гадовы інжынер «Белшыны» затрыманы за распаўсюд дзіцячага порна
Яго добра ведалі і паважалі як суседзі, так і калегі на прадпрыемстве.
Упраўленнем унутраных спраў Магілёўскага аблвыканкама заведзена крымінальная справа ў дачыненні да інжынера ААТ «Белшына», які мае непасрэднае дачыненне да дзіцячага порнабізнэсу.
Гэта першая справа па распаўсюдзе дзіцячай парнаграфіі, заведзеная ў 2010 годзе.
Паводле папярэдніх звестак, затрыманаму інкрымінуецца, што ён у ліпені‑жніўні 2009 года распаўсюджваў у сетцы Інтэрнэт парнаграфічныя матэрыялы з выявай непаўналетніх.
Заўважым, што гэтым разам гаворка ідзе не пра маладога чалавека, як гэта звычайна бывае, а пра 57‑гадовага чалавека, амаль пенсіянера, якога добра ведалі і паважалі як суседзі, так і калегі на прадпрыемстве.
У дачыненні да інжынера заведзена крымінальная справа па прыкметах здзяйснення ім злачынства па ч.2 арт. 343/1 КК РБ (выраб і распаўсюд парнаграфічных матэрыялаў або прадметаў парнаграфічнага характару з выявай непаўнагадовага, здзейсненыя з выкарыстаннем Інтэрнэта, іншай сеткі электрасувязі агульнага карыстання альбо выдзеленай сеткі электрасувязі).
Санкцыя гэтага артыкула прадугледжвае пакаранне да 8 гадоў пазбаўлення волі. Зараз следчыя высвятляюць паходжанне порнаматэрыялаў, якія распаўсюджваў інжынер.
Цяпер чытаюць
Рыта Дакота ўпершыню распавяла, за што беларускія сілавікі схапілі яе маці ў 2022 годзе7
Каментары