Jon vystaŭlaje novyja patrabavańni da dakumientaŭ dla ŭjezdu ŭ ES.
5 krasavika ŭvajšoŭ u siłu Vizavy kodeks Jeŭrapiejskaha sajuza. Jon byŭ pryniaty Jeŭraparłamientam i Savietam ES u červieni 2009 hoda.
Adzin z artykułaŭ kodeksa vystaŭlaje novyja patrabavańni da dakumientaŭ dla ŭjezdu na terytoryju Jeŭrasajuza.
Pieršaje — u pašparcie pavinna być nie mienš jak dźvie čystyja staronki, śpiecyjalna pryznačanyja dla ŭklejvańnia viz. Druhoje — termin dziejańnia pašparta pavinien pieravyšać na try miesiacy termin zakančeńnia dziejańnia vizy, jakaja zapytvajecca. Treciaje — pašpart, jaki padajecca na vizu, pavinien być vydadzieny nie bolš jak 10 hadoŭ tamu.
Hetyja patrabavańni, jak paviedamiŭ na pres‑kanfierencyi 18 sakavika načalnik konsulskaha ŭpraŭleńnia MZS Biełarusi Alaksandr Astroŭski, tyčacca tolki pašpartoŭ, što padajucca dla atrymańnia viz. Ale jany nie dziejničajuć u adnosinach da pašpartoŭ, pryznačanych i vydadzienych raniej dla časovaha ci pastajannaha pražyvańnia na terytoryi krain Jeŭrapiejskaha sajuza.
30 sakavika pres‑słužba Jeŭrapiejskaj kamisii raspaŭsiudziła zajavu jeŭrakamisara pa ŭnutranych spravach Siesilii Malmstrom, jakaja tłumačyć prymianieńnie kodeksa.
U novym dakumiencie sabrany normy, što unifikujuć dakumienty i praceduru zvarotu pa šenhienskuju vizu i jaje afarmleńnie.
Zajaŭnik maje prava čakać adkaz nie paźniej čym praz 15 kalandarnych dzion. Abaviazkovym stanovicca abhruntavańnie admovy ŭ vydačy vizy, a taksama prava abskardzić takoje rašeńnie.
Vizavy kodeks zamacoŭvaje paniaćci karotkaterminovaj vizy (da 90 dzion znachodžańnia ŭ krainie na praciahu paŭhoda) i tranzitnaj, što vydajecca ŭ aeraporcie. Afarmleńnie doŭhaterminovych viz (da 180 dzion na praciahu hoda) zastajecca prerahatyvaj nacyjanalnych uradaŭ.
Doŭhaterminovyja nacyjanalnyja vizy pryraŭnoŭvajucca da dazvołu na pražyvańnie i dajuć uładalniku prava pieramiaščacca na ŭsioj zonie dziejańnia Šenhienskaha pahadnieńnia.
Kali zajaŭnik moža paćvierdzić nieabchodnaść častych padarožžaŭ i viadomy konsulstvu svajoj nadziejnaściu, jon moža raźličvać na doŭhaterminovuju šmatrazovuju vizu.
U zajavie jeŭrakamisara zaznačajecca, što ahulnyja praviły buduć adaptavany pasolstvami da miascovych realij.
-
U Barysavie raspracavali pažarny tank dla samych składanych uzharańniaŭ FOTY
-
KDB abvieściŭ zatrymanych knihavydaŭcoŭ Jaŭdachu, Bahdanoviča i Kołasa ŭdzielnikami ekstremisckaha farmavańnia
-
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju
Ciapier čytajuć
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1
Kamientary