Leanid Krupiec, kiraŭnik Minabłvykankama, uznačaliŭ Biełaruskuju fiederacyju konnaha sportu.
Leanid Krupiec, kiraŭnik Minabłvykankama, uznačaliŭ Biełaruskuju fiederacyju konnaha sportu.
Vybary prajšli 6 krasavika ŭ Minabłvykankamie na spravazdačna‑vybarnaj kanfierencyi arhanizacyi, paviedamlaje BiełTA. Taksama abrany namieśniki staršyni, prezidyum, revizijnaja kamisija.
Jak adznačyŭ ministr sportu i turyzmu Aleh Kačan, pradstaŭlajučy novaha kiraŭnika fiederacyi, Minskaja vobłaść — adna ź viadučych u krainie pa raźvićci konnaha sportu, tut raźmieščanyja asnoŭnyja konnaspartyŭnyja bazy («Uradžajnaje», «Ratamka», «Pałačany»), šmat pryvatnych arhanizacyjaŭ zajmajucca hadoŭlaj koniej, tamu kamu jak nie kiraŭniku staličnaha rehijona viedać prablemy hetaj śfiery. Jon pažadaŭ jamu damahčysia pośpiechaŭ na novaj dla jaho nivie.
Aleh Kačan ŭručyŭ hanarovuju hramatu Ministerstva sportu i turyzmu Mikałaju Damaškieviču, jaki da siońniašniaha dnia ŭznačalvaŭ fiederacyju, a jašče raniej byŭ kiraŭnikom Minskaj vobłaści.
U svaju čarhu Leanid Krupiec vykazaŭ udziačnaść za akazany davier i adznačyŭ, što heta hanarovaja i adkaznaja misija, jakaja patrabuje pastajannaj uvahi da prablemnych momantaŭ, a heta i ŭmacavańnie materyjalna‑techničnaj bazy spartovych škołaŭ, zakupka spartovych koniej, padrychtoŭka trenieraŭ vysokaha kłasa. «Našaja sumiesnaja zadača, u tym liku maja na hetaj pasadzie, — uźniać na prystupku konny sport u Biełarusi, kab imiony biełaruskich końnikaŭ zahučali hetak ža, jak i imiony futbalistaŭ, chakieistaŭ, ciažkaatletaŭ», — skazaŭ Leanid Krupiec.
Aryštavali pradstaŭnikoŭ kampanii Bayer u Biełarusi15
Kamientary