Rasijanie nanieśli ŭdar pa siale ŭ Dnieprapiatroŭskaj vobłaści. Siarod zahinułych — kamandzir bryhady
Vojski Rasii nanieśli rakietny ŭdar pa Kamienskim rajonie Dnieprapiatroŭskaj vobłaści — pa siale Hulajpole. Heta adbyłosia ranicaj 1 lipienia. U vyniku ataki zahinuli i byli paranienyja jak vajskoŭcy, tak i mirnyja žychary.
Pavodle słoŭ kiraŭnika Dnieprapiatroŭskaj abłasnoj vajennaj administracyi Siarhieja Łysaka, paśla vybuchaŭ pačaŭsia pažar, ciapier udakładniajucca ŭsie nastupstvy.
Pa papiarednich danych, Rasija vykarystała dźvie balistyčnyja rakiety, vierahodna, typu «Iskander-M». U vyniku ŭdaru razburanyja Dom kultury, dźvie kramy, paškodžanyja pryvatnyja damy.
Prezident Ukrainy Uładzimir Zialenski paviedamiŭ, što ŭdar pryvioŭ da čałaviečych strat. Siarod zahinułych — kamandzir 110-j asobnaj miechanizavanaj bryhady imia Marka Biezručki pałkoŭnik Siarhiej Zacharevič. Jon uznačaliŭ bryhadu ŭ lutym 2025 hoda, a raniej byŭ namieśnikam kamandzira 33-j bryhady. Zacharevič byŭ uznaharodžany ordenam Bahdana Chmialnickaha III stupieni ŭ 2015 hodzie i II stupieni ŭ 2022-m. U jaho zastalisia troje dziaciej.
Prezident Ukrainy taksama paviedamiŭ, što paciarpieli bolš za 30 čałaviek, raspačata poŭnaje rasśledavańnie abstavin trahiedyi.
Ukrainskija bieśpiłotniki ŭdaryli pa zavodzie ŭ Ižeŭsku, dzie vyrablajuć «Tory». Jość zabityja i paranienyja
USU nanieśli rakietny ŭdar pa Daniecku
Rasija kinuła na Sumy 50-tysiačnuju hrupoŭku
«U nas było ŭsio. Akramia prava na kachańnie». Kachanaja biełaruski Maryi Zajcavaj, jakaja zahinuła za Ukrainu, raskazała ich historyju
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu16
Kamientary