i mianiaje stratehiju praviadzieńnia čarnobylskich mierapryjemstvaŭ.
Partyja BNF mianiaje stratehiju praviadzieńnia čarnobylskich mierapryjemstvaŭ. Pra heta 15 krasavika na pres‑kanfierencyi ŭ Minsku paviedamiŭ staršynia partyi Alaksiej Janukievič.
Pavodle jaho słoŭ, sioleta Partyja BNF admoviłasia ad arhanizacyi ŭ Minsku tradycyjnaha šeścia »Čarnobylski šlach». «Zajaŭku na praviadzieńnie šeścia padali aktyvisty arhkamiteta pa stvareńni partyi »Biełaruskaja chryścijanskaja demakratyja». Takim čynam, arhanizacyja i praviadzieńnie «Čarnobylskaha šlachu» kładziecca na ich.
Na žal, u apošnija hady »Čarnobylski šlach» pieratvaryŭsia ŭ rytualnaje mierapryjemstva, na jakoje prychodziać usie, ad ultrapravych da anarchistaŭ. Adnak jany zajmajucca nie prablemami nastupstvaŭ avaryi na Čarnobylskaj AES, a prosta samarekłamaj. I my nie chočam źbirać ludziej dla ich rekłamy», — zaznačyŭ Janukievič.
Zamiest hetaha, pradoŭžyŭ jon, aktyvisty partyi płanujuć naviedać rajony, jakija najbolš paciarpieli ad avaryi na ČAES. «Płanujecca, što my prajedziem pa poŭdni Mahiloŭskaj vobłaści, a adtul — u Homielskuju vobłaść. My naviedajem hetyja rajony, pryviaziem ludziam humanitarnuju dapamohu, nakolki heta mahčyma, pahutarym ź imi, a taksama praviadziem raboty na pomnikach adsielenym vioskam», — skazaŭ Janukievič.
«My chočam, kab našy akcyi, pryśviečanyja trahiedyi na Čarnobylskaj AES, mieli jarka vyražany sacyjalny charaktar.
Naprykład, našy aktyvisty ŭžo prajechali pa miescach, dzie ŭstanoŭleny pamiatnyja kamiani adsielenym vioskam. Jany paviedamili, što pomniki znachodziacca ŭ žudasnym stanie. Ułada za imi nie sočyć, što śviedčyć ab staŭleńni ŭłady da trahiedyi. Tamu ŭparadkavańniem hetych miescaŭ zojmiemsia my», — zajaviŭ Janukievič.
Pry hetym jon zaznačyŭ, što kožny člen partyi moža ŭziać udzieł u »Čarnobylskim šlachu» ŭ pryvatnym paradku.
Nahadajem, zajaŭka na praviadzieńnie «Čarnobylskaha šlachu» była padadzienaja ŭ Minharvykankam 9 krasavika.
Płanujecca, što »Čarnobylski šlach — 2010» projdzie ad płoščy pierad budynkam prezidyuma Nacyjanalnaj akademii navuk da Kastryčnickaj płoščy, dzie adbudziecca mitynh.
Zbor udzielnikaŭ akcyi zapłanavany na 18.00.
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii36
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja2020
Kamientary