U Biełarusi źjaviłasia vakansija z zarobkam 33 tysiačy rubloŭ. Kaho šukajuć?
Ale navat kali vy toj samy ščaśliŭčyk, jaki adpaviadaje ŭsim patrabavańniam, pracaŭładkavacca ŭ vas atrymajecca naŭrad ci.
Pryvatnaja kampanija z Łahojska raźmiaściła na sajcie dziaržaŭnaj słužby zaniataści niezvyčajnuju vakansiju z zarobkam 31-33 tysiačy rubloŭ.
Jak piša Tochka.by, pasada nazyvajecca «mieniedžar», ale nabor patrabavańniaŭ vielmi śpiecyfičny. Za šykoŭnuju pa biełaruskich mierkach zarpłatu prosiać vyšejšuju adukacyju, volnaje vałodańnie anhlijskaj movaj (nie nižej za Advanced), a taksama najaŭnaść za plačyma jak minimum 15-hadovaha dośviedu kiravańnia ŭ śfiery lasnoj ci palaŭničaj haspadarki. Dadatkova — 5 hadoŭ na pasadzie jehiera, navyki ŭ dresiroŭcy i ŭzajemadziejańni z drapiežnymi žyviołami, pravy kiroŭcy i dośvied atrymańnia dazvołu na ŭvoz i vyvaz žyvioł.
Šukaje rabotnika kampanija «KPI Spešł Prodžekts», a pracavać jamu daviadziecca ŭ pitomniku «Cnianskaje palavańnie».
Adnak chutčej za ŭsio hetaja vakansija prosta naminalnaja. Jana raźmieščanaja tolki ŭ dziaržaŭnaj bazie, na papularnych placoŭkach pusta. Pa-druhoje, u vakansii jość opcyja «pracaŭładkavańnie zamiežnych hramadzian», što kaža pra toje, što pracadaŭca prosta vykonvaje patrabavańnie zakona. Pa zaviaršeńni kantrakta z zamiežnikami pracadaŭcy musiać raźmiaščać vakansiju, navat kali pracoŭnaja damova praciahvajecca.
Ciapier čytajuć
Namieśnikam kiraŭnika Administracyi prezidenta staŭ ćvierdałoby Muraviejka, a Hienštab uznačaliŭ hienierał, jaki nie vučyŭsia ŭ Rasii11
Namieśnikam kiraŭnika Administracyi prezidenta staŭ ćvierdałoby Muraviejka, a Hienštab uznačaliŭ hienierał, jaki nie vučyŭsia ŭ Rasii
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1111
Kamientary