У Беларусі з'явілася вакансія з заробкам 33 тысячы рублёў. Каго шукаюць?
Але нават калі вы той самы шчасліўчык, які адпавядае ўсім патрабаванням, працаўладкавацца ў вас атрымаецца наўрад ці.
Прыватная кампанія з Лагойска размясціла на сайце дзяржаўнай службы занятасці незвычайную вакансію з заробкам 31-33 тысячы рублёў.
Як піша Tochka.by, пасада называецца «менеджар», але набор патрабаванняў вельмі спецыфічны. За шыкоўную па беларускіх мерках зарплату просяць вышэйшую адукацыю, вольнае валоданне англійскай мовай (не ніжэй за Advanced), а таксама наяўнасць за плячыма як мінімум 15-гадовага досведу кіравання ў сферы лясной ці паляўнічай гаспадаркі. Дадаткова — 5 гадоў на пасадзе егера, навыкі ў дрэсіроўцы і ўзаемадзеянні з драпежнымі жывёламі, правы кіроўцы і досвед атрымання дазволу на ўвоз і вываз жывёл.
Шукае работніка кампанія «КПІ Спэшл Проджэктс», а працаваць яму давядзецца ў пітомніку «Цнянскае паляванне».
Аднак хутчэй за ўсё гэтая вакансія проста намінальная. Яна размешчаная толькі ў дзяржаўнай базе, на папулярных пляцоўках пуста. Па-другое, у вакансіі ёсць опцыя «працаўладкаванне замежных грамадзян», што кажа пра тое, што працадаўца проста выконвае патрабаванне закона. Па завяршэнні кантракта з замежнікамі працадаўцы мусяць размяшчаць вакансію, нават калі працоўная дамова працягваецца.
Цяпер чытаюць
Лукашэнка: Што творыцца ў краіне, у нас усе гэтую гусь круцяць5
Лукашэнка: Што творыцца ў краіне, у нас усе гэтую гусь круцяць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5656
Каментары