U niadzielu prajšli matčy čaćviortaha tura čempijanatu Biełarusi pa futbole.
U niadzielu prajšli matčy čaćviortaha tura čempijanatu Biełarusi pa futbole.
Centralnym byŭ matč u Salihorsku, dzie miascovy «Šachcior» prymaŭ niečakanaha lidera čempijanatu «Viciebsk». Kamanda Eduarda Małafiejeva pakul nie moža zabić bolš za adzin miač za hulniu.
Adziny hoł «Šachciora» ŭ hetaj hulnie byŭ zabity Ivanam Dzienisievičam na 77‑aj chvilinie. Ale dla pieramohi «harniakoŭ» hetaha akazałasia mała, bo ŭžo ŭ kampiensavany čas Rusłan Usaŭ zmoh zraŭniać lik — 1:1.
Barysaŭski BATE taksama pakul nie moža znajści letašniuju hulniu. Druhi matč zapar čempijony zhulali ŭ nulavuju ničyju. Na hety raz doma z «Niomanam». Hrodziency ž uvohule ŭ hetym pieršynstvie pakul nie zabili nivodnaha miača.
Jašče adna nulavaja ničyja była zafiksavanaja ŭ sustrečy minskaha «Dynama» i navapołackaha «Naftana».
Adzinaj kamandaj, jakaja pakul nie nabrała punktaŭ zastajecca minski «Partyzan». U niadzielu kamanda Rumbucisa była razhromlenaja «Dniaprom» — 0:3. U pieramožcaŭ dva hały na rachunku Andreja Lasiuka.
Pryjemna ździŭlaje babrujskaja «Biełšyna». Kamanda atrymała druhuju pieramohu zapar. Na hety raz babrujčanie pieramahli ŭ haściach «Tarpieda» — 1:2.
Nu i ŭ apošnim matčy tura bresckaje «Dynama» vyjhrała ŭ «Minska» — 2:1. Heta pieršaja paraza hałoŭnaha treniera haradžan Vitala Tarakanava.
Turnirnaja tablica paśla čatyroch turaŭ vyhladaje nastupnym čynam: «Viciebsk», BATE — pa 8 punktaŭ, «Naftan», «Dynama» (Brest), Minsk, «Dynama» (Minsk) — pa 7, «Biełšyna», «Šachcior» — pa 6, «Dniapro» — 4, «Nioman» — 3, «Tarpieda» — 1, «Partyzan» — 0.
Najlepšy bambardzir Andrej Lasiuk («Dniapro») — 3 hały.
Nastupny tur projdzie ŭ subotu 24 krasavika. U Minsku projdzie derbi pamiž «Partyzanam» i «Dynama».
Ciapier čytajuć
Zorka brejkdansu ź Viciebska atrymaŭ 11 hadoŭ turmy ŭ Kitai. Što zdaryłasia?3
Kamientary