Try Alaksandry, Siarhiej i Zianon
26 studzienia - Siarhiej Skrabiec. 9 studzienia - Alaksandar Vajtovič. Valer Frałoŭ vahajecca. Dakumenty na rehistracyju kandydatami ŭ prezydenty buduć padavać piaciora dziadźkaŭ: try Alaksandry, Siarhiej i Zianon. Valer, mahčyma, stanie šostym dziadźkam. Usie deklarujuć, što nabrali bolš za 100 tysiačaŭ podpisaŭ.
26 studzienia - Siarhiej Skrabiec. 9 studzienia - Alaksandar Vajtovič. Valer Frałoŭ vahajecca. Dakumenty na rehistracyju kandydatami ŭ prezydenty buduć padavać piaciora dziadźkaŭ: try Alaksandry, Siarhiej i Zianon. Valer, mahčyma, stanie šostym dziadźkam. Usie deklarujuć, što nabrali bolš za 100 tysiačaŭ podpisaŭ.
Uzhadajma vybary 2001 hodu. Da apošniaha pra paśpiachovy zbor 100 tysiačaŭ podpisaŭ paviedamlali Zianon Paźniak, Michaił Čyhir, Pavał Kazłoŭski, Michaił Marynič, Leanid Sinicyn, Leanid Kałuhin, Jury Šycik (Dańkaŭ), Alaksandar Jarašuk, Viktar Ciareščanka, Mikałaj Miakieka j Kanstancin Kananovič. Tolki ŭ Siarhieja Kalakina chapiła sumleńnia adrazu pryznać, što pary tysiačaŭ usio ž nie chapiła. Paśla akazałasia, što ŭsie jany da sta tysiačaŭ nie dabrali.
Sabrać 100 tysiačaŭ podpisaŭ sioleta, u marazy, biez strukturaŭ, hrupaj u tysiaču adnych i tych ža čałaviek, miarkujem, nia možna ŭ pryncypie. Stol - 45-50 tysiačaŭ. Vajtovič chutka zrazumieŭ heta. Kamanda hienerała da kanca zachoŭvaje "dobruju minu": za vyłučeńnie kandydatam u prezydenty Valerja Frałova sabrana 106 tysiač podpisaŭ, ćvierdzić kiraŭnik inicyjatyŭnaj hrupy Ihar Azarka. I źbirajecca zdavać popisy. Sam Frałoŭ užo druhi tydzień znachodzicca ŭ Rasiei.
Ciapier pra hałoŭnaje. Zianon Paźniak paabiacaŭ: kali budzie zarehistravany kandydatam u prezydenty, dyk vierniecca ŭ Biełaruś.
Milinkievič zajaviŭ, što navat u vypadku nierehistracyi jon budzie davodzić samastojnuju kampaniju da 19 sakavika.
Što pradprymie Kazulin? Tut - hałoŭnaja intryha na siońnia. Mienavita ad byłoha rektara zaležyć, ci pojdzie apazycyja na vybary adzinaj. Jahony rejtynh nie pieravyšaje troch adsotkaŭ. Ale kali jahonaja stratehija palahaje ŭ pašyreńni viadomaści ŭ hramadztvie i nadalej - u abrańni deputatam pałaty pradstaŭnikoŭ u 2008 hodzie, dyk tady jon nia zdymiecca.
Tymčasam 28 studzienia terytaryjalnyja vybarčyja kamisii raspačnuć pravierku podpisaŭ. Potym ich ža pieravieryć CVK. Kandydaty ž buduć pradstaŭlać zajavy pra zhodu stać kandydatam, ankiety j padatkovyja deklaracyi na siabie j svajakoŭ. 11 lutaha pravierka skončycca j pačniecca rehistracyja. Mikałaj Łazavik kaža, što rehistracyja (albo nierehistracyja) adbudziecca ŭ adzin dzień (krajni termin - 21 lutaha).
Kamientary