U Barysavie źniali, jak u dvary raskašujuć pacučynyja zhrai, a kamunalniki nie reahujuć VIDEA
Žycharka Barysava z doma №182 pa vulicy Narmandyja-Nioman źviarnuła ŭvahu haradskich uładaŭ na žachlivy stan dvara. Pavodle jaje słoŭ, terytoryja vakoł doma pieratvaryłasia ŭ sapraŭdnuju śmietnicu, a placoŭka dla bujnahabarytnaha śmiećcia akupavanaja pacukami. Žančyna adznačyła, što ŽEU-4 nie pracuje, i zaklikała administracyju horada źviarnuć na heta ŭvahu, zaŭvažyła BGMedia.
Spačatku pacukoŭ tut bačyli redka i tolki ŭnačy, ale paśla źjaviłasia videa, dzie pacuki aktyŭnyja i ŭ dzionny čas, i ich proćma.
Ludzi z roznych haradoŭ Biełarusi ŭ kamientarach adznačajuć, što padobnyja prablemy nosiać sistemny charaktar i nie abmiažoŭvajucca tolki Barysavam.
Asobna vyklikaje abureńnie toje, što kamunalniki aktyŭna źniščajuć biazdomnych katoŭ, jakija raniej nibyta strymlivali rost pacučynaj papulacyi. Žychary adznačajuć, što bujnahabarytnaje śmiećcie vyvozicca vielmi redka — raz u miesiac abo radziej, a majstry ŽEU časta adsutničajuć.
Akramia prablem z pacukami, u domie jość i inšyja niebiaśpiečnyja situacyi: z kazyrka padajuć kamiani, padvały zatoplenyja, u vadzie źjaviłasia ćvil, jakaja raspaŭsiudžvajecca ŭ kvatery. Žychary skardziacca, što niahledziačy na rehularnyja płaciažy za vyvaz śmiećcia, utrymańnie žylla i kapitalny ramont, jany atrymlivajuć tolki razruchu i niebiaśpieku dla žyćcia.
U kamientarach ludzi ź inšych haradoŭ — Połacka, Mahilova, Minska — paćviardžajuć najaŭnaść padobnych prablem i ŭ ich: pacuki, zavalenyja padvały, redki vyvaz śmiećcia i adsutnaść realnaj reakcyi kamunalnych słužbaŭ.
Žychary Barysava zaklikajuć haradskuju administracyju ŭmiašacca i likvidavać hetuju prablemu, bo ich dom — prykład sistemnych prablem u pracy ŽKH, a nie adzinkavy vypadak.
Raniej pra našeście pacukoŭ paviedamlali žychary inšaj barysaŭskaj vulicy — Haharyna.
U Vialikabrytanii złavili pacuka pamieram z kata
Pa letniaj terasie minskaha restarana biehaŭ vializny pacuk VIDEA
«Vo adkul dzirki ŭ syry!» Na syrnym pryłaŭku minskaha hipiermarkieta zaŭvažyli pacuka VIDEA
«Pacuki ŭžo śmieła zachodziać u padjezd». U barysaŭskim šmatpaviarchoviku našeście hryzunoŭ
«Pacuki, błochi, śmiećcie, a ŽEU rapartuje, što ŭsio prybrana». Žychary Žodzina aburanyja, što musili sami ačyščać padvał
Ciapier čytajuć
«Tok» ź Sieviaryncam: pra znajomstva ź Cichanoŭskim, prychod Kaleśnikavaj, staŭleńnie da Babaryki i pretenzii Zianona Paźniaka11
Kamientary