У Барысаве знялі, як у двары раскашуюць пацучыныя зграі, а камунальнікі не рэагуюць ВІДЭА
Жыхарка Барысава з дома №182 па вуліцы Нармандыя-Нёман звярнула ўвагу гарадскіх уладаў на жахлівы стан двара. Паводле яе слоў, тэрыторыя вакол дома ператварылася ў сапраўдную сметніцу, а пляцоўка для буйнагабарытнага смецця акупаваная пацукамі. Жанчына адзначыла, што ЖЭУ-4 не працуе, і заклікала адміністрацыю горада звярнуць на гэта ўвагу, заўважыла BGMedia.
Спачатку пацукоў тут бачылі рэдка і толькі ўначы, але пасля з’явілася відэа, дзе пацукі актыўныя і ў дзённы час, і іх процьма.
Людзі з розных гарадоў Беларусі ў каментарах адзначаюць, што падобныя праблемы носяць сістэмны характар і не абмяжоўваюцца толькі Барысавам.
Асобна выклікае абурэнне тое, што камунальнікі актыўна знішчаюць бяздомных катоў, якія раней нібыта стрымлівалі рост пацучынай папуляцыі. Жыхары адзначаюць, што буйнагабарытнае смецце вывозіцца вельмі рэдка — раз у месяц або радзей, а майстры ЖЭУ часта адсутнічаюць.
Акрамя праблем з пацукамі, у доме ёсць і іншыя небяспечныя сітуацыі: з казырка падаюць камяні, падвалы затопленыя, у вадзе з’явілася цвіль, якая распаўсюджваецца ў кватэры. Жыхары скардзяцца, што нягледзячы на рэгулярныя плацяжы за вываз смецця, утрыманне жылля і капітальны рамонт, яны атрымліваюць толькі разруху і небяспеку для жыцця.
У каментарах людзі з іншых гарадоў — Полацка, Магілёва, Мінска — пацвярджаюць наяўнасць падобных праблем і ў іх: пацукі, заваленыя падвалы, рэдкі вываз смецця і адсутнасць рэальнай рэакцыі камунальных службаў.
Жыхары Барысава заклікаюць гарадскую адміністрацыю ўмяшацца і ліквідаваць гэтую праблему, бо іх дом — прыклад сістэмных праблем у працы ЖКГ, а не адзінкавы выпадак.
Раней пра нашэсце пацукоў паведамлялі жыхары іншай барысаўскай вуліцы — Гагарына.
У Вялікабрытаніі злавілі пацука памерам з ката
Па летняй тэрасе мінскага рэстарана бегаў вялізны пацук ВІДЭА
«Во адкуль дзіркі ў сыры!» На сырным прылаўку мінскага гіпермаркета заўважылі пацука ВІДЭА
«Пацукі ўжо смела заходзяць у пад'езд». У барысаўскім шматпавярховіку нашэсце грызуноў
«Пацукі, блохі, смецце, а ЖЭУ рапартуе, што ўсё прыбрана». Жыхары Жодзіна абураныя, што мусілі самі ачышчаць падвал
Цяпер чытаюць
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў71
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх2121
Каментары