Andrej Kaścicyn vyznačyŭsia halavym pasam.
«Manreal Kanadyjens» zraŭniaŭ lik u1/4 finału Uschodniaj kanfierencyi. 26 krasavika na svajoj placoŭcy «Kanadyjens» vyjhraŭ ź likam 4:1. Lik u sieryi staŭ 3:3, i ciapier dla vyjaŭleńnia pieramožcy spatrebicca apošni siomy matč.
Ekśpierty kazali, što «Vašynhton» Aviečkina biez prablem adoleje kvebekcaŭ.
Lik pa pieryjadach: (2:0, 0:0, 2:1).
Hały: Kamalery – 4 (M.-A. Bieržeron), 7:30 (1:0 – boł.). Kamalery – 5 (Saban, Plekaniec), 9:09 (2:0). Łapjer – 1 (Hordžes), 44:17 (3:0). Fier – 3 (Majk Hryn, Čymiera), 55:10 (3:1). Plekaniec – 4 (Kamalery, A. Kaścicyn), 59:03 (4:1 – p.v.).
Pieršaj zorkaj matču pryznany hałkipier «Manreala» Jarasłaŭ Hałak, na jaho rachunku 53 sejvy!
Biełaruski forvard «Manreala» Andrej Kaścicyn vyznačyŭsia halavym pasam, pravioŭ na lodzie 16 chvilin 28 siekundaŭ, kaeficyjent karysnasct +2.
Siarhiej Kaścicyn udziełu ŭ matčy nie braŭ.
Siomy apošni matč sieryi projdzie 28 krasavika ŭ Vašynhtonie.
Kali «Manreal» pieramoža, to ŭ paŭfinale Uschoda (1/4 Kubka Stenli) jon zhulaje z «Pitsburham».
Na Uschodzie svoj udzieł u nastupnym raundzie ŭžo zabiaśpiečyli «Pitsburh Pinhvinz», «Fiładelfija Fłajerz» i «Bostan Bruinz».
Na Zachadzie – «San-Chase Šarks», «Čykaha Błekchoŭks», «Vankuvier Kenaks».
Kamientary