Lidar hrupy «Vopli Vidaplasava» zaklikaŭ pieradać uładu va Ukrainie vajskoŭcam.
Ukrainski muzykant i lidar hurta «Vopli Vidaplasava» Aleh Skrypka zajaviŭ ab padtrymcy vajskovaha pieravarotu ŭ krainie. Na jaho dumku, da kiravańnia dziaržavaj treba dapuskać vyklučna vajskoŭcaŭ, jakija prajšli bajavyja dziejańni, piša «UNIAN».
Na dumku muzykanta, prablema hramadzian u krainie palahaje ŭ tym, što jany abirajuć papulistaŭ.
Skrypka pryvioŭ prykład, što dziaŭčaty ŭ pieravažnaj bolšaści abirajuć mužčyn, jakija im «na vušy naviešvajuć», a jany potym z takoj asobaj žyvuć.
«Abo narmalnyja mužčyny vybirajuć niejkuju levuju fifu z nadźmutymi vusnami», — dadaŭ jon.
To bok, na jaho dumku, ludzi nie hladziać u sutnaść rečaŭ i nie mohuć viedać, što čałaviek moža narmalna zrabić, a što — nie. Tamu jon maje sumnievy, što mocnyja palityki mohuć pryjści da ŭłady ŭ hetaj situacyi.
«Nu, albo budzie niejki vajskovy pieravarot, ja nie viedaju, i pastaviać kłasnaha vajskoŭca. Voś ja — za vajskovy pieravarot. Kab pastavić narmalnaha vajskoŭca abo navat dapuścić da palityki tolki vajskoŭcaŭ. Usio! Voś chto prajšoŭ bajavyja dziejańni», — skazaŭ Skrypka.
U jakaści prykładu muzykant nazvaŭ kamandujučaha Siłami bieśpiłotnych sistem Robierta «Madziara» Broŭdzi i vałanciora Siarhieja Ściarnienku, jakich «viedajuć miljony».
«I to ich treba praviarać. My ž nie viedajem: jość vobraz miedyjny, i treba pravieryć. Voś takich ludziej tolki i dapuskać u palityku: u Viarchoŭnuju Radu i h. d. Chto vajavaŭ. Nu, i to, chto budzie praviarać: chto za hrošy zojdzie, chto nie za hrošy», — kaža śpiavak.
Ciapier čytajuć
«Tok» ź Sieviaryncam: pra znajomstva ź Cichanoŭskim, prychod Kaleśnikavaj, staŭleńnie da Babaryki i pretenzii Zianona Paźniaka7
Kamientary
Vy tolka patom nia płačcie
Hrecyja z čornymi pałkoŭnikami i t.d.
Pačynajuć za ŭsie dobraje, a potym ...
Demakratyja heta ciažkaja sprava.