Jakasnaha nacyjanalnaha praduktu ŭ aŭdyjotekach FM-radyjostancyj niedastatkova, zajaviŭ ministr infarmacyi Aleh Pralaskoŭski 3 maja padčas anłajn‑kanfierencyi na sajcie BiełTA.
«Na žal, faktyčna kala 300 piesień usie radyjostancyi respubliki kruciać pa niekalki razoŭ na tydzień. Takim čynam, muzyčny efirny rynak nasyčany adnastajnym praduktam», — skazaŭ jon.
Pavodle słoŭ Pralaskoŭskaha, «raniej kožnaja FM‑stancyja mieła bolš‑mienš svajo abličča. «Adny rabili ŭpor na rok‑muzyku, druhija — na pop‑muzyku, trecija viaščali ŭ styli retra, čaćviortyja davali bolš suśvietnaj kłasiki.
Siońnia niekatoryja radyjostancyi ŭ muzyčnym siehmiencie padobnyja adna na adnu», — adznačyŭ jon.
Pry hetym Pralaskoŭski miarkuje, što z uviadzieńniem 75‑pracentnaj kvoty na tranślacyju biełaruskich kampazicyj «adbyŭsia stanoŭčy šturšok u raźvićci biełaruskaha muzyčnaha rynku», «administracyjnym šlacham uzmocniena praca pa padtrymańni nacyjanalnaha muzyčnaha praduktu na chvalach ajčynnych radyjostancyj».
Izrail zabiŭ kiraŭnika «Chiezbały» Chasana Nasrału2
Kamientary