Orden uručajecca najbolš vybitnym palakam i vyšejšym pradstaŭnikam zamiežnych dziaržaŭ.
U Dzień Niezaležnaści prezident Polščy Karal Naŭrocki ŭznaharodziŭ Ordenam Biełaha Arła, najvyšejšaj dziaržaŭnaj uznaharodaj Polščy, žurnalista i aktyvista polskaj mienšaści ŭ Biełarusi Andžeja Pačobuta, paviedamlaje Polskaje radyjo.
«Siońnia Polšča dziakuje svaim najvydatniejšym hramadzianam, čyjo žyćcio źjaŭlajecca dla palakaŭ prykładam vialikaha honaru», — skazaŭ prezident Karal Naŭrocki padčas cyrymonii ŭ Prezidenckim pałacy.
Prezident zajaviŭ, što Orden Biełaha Arła, uručany zavočna biez udziełu ŭznaharodžanaha, źjaŭlajecca taksama simvałam pazicyi polskaj dziaržavy ŭ dačynieńni da režymu Łukašenki.
— Heta śviedčańnie, što Polšča zaŭsiody budzie abaraniać svaich synoŭ, tych, chto žyvie dla Polščy, chto zmahajecca za rodnuju movu i kaštoŭnaść polskaści, dla kaho hetyja kaštoŭnaści vartyja pakut u biełaruskaj turmie.
Andžej Pačobut — žurnalist, błohier, aktyvist polskaj mienšaści ŭ Biełarusi i daŭni karespandent polskaha vydańnia «Gazeta Wyborcza». Jon byŭ aryštavany 25 sakavika 2021 hoda ŭ Hrodnie i praz dva hady asudžany na vosiem hadoŭ za nibyta mierkavanuju varožuju dziejnaść i «raspaŭsiudžvańnie nianaviści». Polšča hadami damahajecca jaho vyzvaleńnia i navat zakryła pierachod «Babroŭniki».
U hetym hodzie Andžej Pačobut atrymaŭ premiju Sacharava, jakuju Jeŭrapiejski parłamient prysudžaje asobam, jakija zrabili vyklučny ŭkład u baraćbu za pravy čałavieka.
Orden Biełaha Arła — najstarejšaja i najvyšejšaja dziaržaŭnaja ŭznaharoda Respubliki Polšča, jakaja ŭručajecca za vydatnyja hramadzianskija i vajennyja zasłuhi na karyść Respubliki Polšča. Orden uručajecca najbolš vybitnym palakam i vyšejšym pradstaŭnikam zamiežnych dziaržaŭ.
Orden Biełaha Arła atrymaŭ taksama Valdemar Łysiak — polski piśmieńnik, žurnalist i eseist. Siarod jaho tvoraŭ — histaryčnyja ramany. U svajoj žurnalistycy jon supracoŭničaŭ z pravymi ŚMI i nazyvaŭ siabie kansiervataram, nieadnarazova krytykujučy takich asob, jak Lech Vałensa, Adam Michnik i Jacek Kuroń.
Ciapier čytajuć
Namieśnikam kiraŭnika Administracyi prezidenta staŭ ćvierdałoby Muraviejka, a Hienštab uznačaliŭ hienierał, jaki nie vučyŭsia ŭ Rasii11
Namieśnikam kiraŭnika Administracyi prezidenta staŭ ćvierdałoby Muraviejka, a Hienštab uznačaliŭ hienierał, jaki nie vučyŭsia ŭ Rasii
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1111
Kamientary
nu, dyk palaki dali polskamu hramadzianinu polski orden za zasłuhi pierad Polščaj. Što biełarusam treba pamiatać pra hierojaŭ Polščy?