Cichanoŭskaja pra Babaryku i Kaleśnikavu: Nie baču prablemy, kali jany buduć raźvivać svaju partyju
Śviatłana Cichanoŭskaja ŭ intervju «Radyjo Svaboda» prakamientavała, jak usprymie, kali Viktar Babaryka i Maryja Kaleśnikava buduć stvarać svaju palityčnuju siłu.
«Ja dumaju, u nas va ŭsich tyja samyja mety: vyzvaleńnie ludziej, demakratyzacyja Biełarusi. Tak, časam mohuć razychodzicca taktyki, i heta narmalna. Dla kahości, naprykład, hałoŭnaja i adzinaja zadača — tolki vyzvaleńnie ludziej. Ale my, jak palityki, pavinny stavić mety šyrejšyja: jak viarnucca dadomu. Jak nie dapuścić novych zakładnikaŭ. Jak viarnuć biełarusam svabodu. Jak zachavać niezaležnaść Biełarusi. I vakoł hetych met treba stvarać dziejnaść i supracu. Ja ŭpeŭnienaja, my znojdziem, dzie budziem supracoŭničać, — jak minimum, vakoł temy vyzvaleńnia palitviaźniaŭ, — kaža Cichanoŭskaja.
I nie baču prablemy, kali jany buduć raźvivać svaju partyju, jakuju jany jašče ŭ 2020 hodzie zapuścili. Kaniešnie, u vyhnańni heta rabić vielmi ciažka, asabliva kali niama biaśpiečnaj suviazi ź ludźmi ŭnutry krainy.
Partyi patrebnyja, bo rana ci pozna buduć svabodnyja vybary — i nam treba, kab u našaj krainie byli sfarmavanyja palityčnyja siły, i ludzi mahli prahałasavać za tych, chto im blizki. Maja ž zadača — pradstaŭlać nie niejkuju partyju ci adnu asobnuju siłu, a być hołasam usich biełarusaŭ i ŭsich demakratyčnych siłaŭ. I tyja pazicyi, jakija ja pradstaŭlaju — heta pazicyi šyrokaj kaalicyi arhanizacyj, partyj i struktur. Naša meta ciapier — heta dabicca praviadzieńnia tych samych vybaraŭ, dzie ŭsie zmohuć paspaborničać za hałasy».
Cichanoŭskaja dadała, što jany nieŭzabavie pabačacca z Kaleśnikavaj.
«Užo jość niejkija idei, što my možam rabić razam. I ja vielmi radaja, što jana na voli i zaradžaje biełarusaŭ svajoj niastomnaj enierhijaj. Kaniešnie, ja baču, što joj treba čas, kab pryjści ŭ siabie, asvoicca na voli, kab pakłapacicca pra svajo zdaroŭje i ja spadziajusia, što jana pryśviacić davoli šmat času hetamu».
Jana taksama adkazała na pytańnie, ci mahčymaja sustreča ŭtroch z Maryjaj Kaleśnikavaj i Vieranikaj Capkałaj.
«Zaraz u kožnaj svoj asabisty šlach i ja nie viedaju, nie ŭpeŭnienaja nakont fizičnaj sustrečy, bo ciapier usie ŭ roznych krainach, ale ja dumaju, što my niešta zrobim utraich u niejkim farmacie», — skazała demakratyčnaja lidarka.
-
«Biełaruś — najlepšaja kraina. Ale treba padrychtavacca». Mužčyna čyściŭ telefon, ale jaho ź siamjoj usio roŭna zatrymali na miažy
-
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
-
Taksistam zahadali terminova źniać usiu rekłamu kazino i bukmiekieraŭ z bartoŭ mašyn
Ciapier čytajuć
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary
Cha-cha. Cha-cha-cha. Nie, nu rana ci pozna i sonca zhaśnie, ale...