Łatvija zaviaršyła prajekt pa ŭźviadzieńni aharodžy na miažy ź Biełaruśsiu i Rasijaj. Pra heta paviedamiła dziaržaŭnaja budaŭničaja kampanija Valsts Nekustamie Ipašumi, jakaja była hienieralnym padradčykam rabot.
Pavodle infarmacyi kampanii, na łatvijska-rasijskaj miažy pabudavana kala 280 kiłamietraŭ płota, jaki ŭtvaraje sucelnuju pieraškodu tam, dzie heta było mahčyma z techničnaha punktu hledžańnia. Taksama adznačajecca, što ŭ ekspłuatacyju ŭžo ŭviedziena 72 kiłamietry z 99 kiłamietraŭ aharodžy, uźviedzienaj raniej.
Biełaruska-łatvijskaja miaža maje ahulnuju praciahłaść kala 173 kiłamietraŭ i źjaŭlajecca samaj karotkaj z usich miežaŭ Biełarusi.
U pres-relizie kampanii pryvodziacca słovy ministra ŭnutranych spraŭ Łatvii Rychardsa Kazłoŭskisa. Jon padkreśliŭ, što zaviaršeńnie budaŭnictva pamiežnaha płota pavyšaje biaśpieku žycharoŭ krainy, pakolki Łatvija sutykajecca ź ciskam arhanizavanaj nielehalnaj mihracyi z uschodniaha napramku.
Taksama kiraŭnik MUS adznačyŭ, što hałoŭnaj metaj krainy źjaŭlajecca stvareńnie samaj sučasnaj pamiežnaj słužby na źniešniaj miažy Jeŭrapiejskaha sajuza.
Kamientary