U apošni dzień pryjomu dakumientaŭ infarmavańnie ab prachadnych bałach spyniać a 15‑j
Pra heta paviedamiŭ pieršy namieśnik ministra adukacyi Alaksandr Žuk.
Pavodle jahonych słovaŭ, tradycyjna apošni dzień pryjomu dakumientaŭ dla pastupleńnia ŭ VNU i siarednija śpiecyjalnyja navučalnyja ŭstanovy adznačajecca jak samy vialiki. «Z metaj spynieńnia pierakidańnia dakumientaŭ ź»nieprachodnaha»fakulteta na»prachadny», a taksama z metaj paźbiahańnia čerhaŭ u pryjomnych kamisijach infarmavańnie na aficyjnym sajcie abiturient.by, va ŭsich navučalnych ustanovach, na ŭsich infarmacyjnych doškach budzie skončana roŭna a 15.00», — skazaŭ Alaksandr Žuk.
U apošni dzień pryjomu dakumientaŭ dopusk u navučalnuju ŭstanovu, u jakim raźmiaščajecca pryjomnaja kamisija, zavieršycca a 18.00.
Pry hetym čalcy pryjomnaj kamisii buduć prymać dakumienty ad abituryjentaŭ, jakija znachodziacca ŭ budynku VNU, i paśla spynieńnia dopusku ŭ budynak.
Zhodna z praviłami, usie pryjomnyja kamisii buduć pracavać u budnija dni z 9.00 da 18.00. Pryjomnyja kamisii VNU MNS, MUS i Minabarony buduć adkryty i ŭ suboty — 10, 17 i 24 lipienia, VNU Minkultury — u subotay10, 17, 24 lipienia i niadzieli 18 i 25 lipienia. Pryjomnyja kamisii VNU tak zvanaha druhoha patoku buduć pracavać u suboty 17, 24 i 31 lipienia, a taksama ŭ niadzielu — 25 lipienia i 1 žniŭnia.
Ciapier čytajuć
Šalona papularnaja minskaja błohierka patraciła na śviatkavańnie dnia naradžeńnia amal $16 tysiač43
Kamientary