Nobieleŭski łaŭreat premii miru i kiraŭnik pravaabarončaha centra «Viasna» Aleś Bialacki, jaki i sam jašče niadaŭna znachodziŭsia ŭ źniavoleńni za svaju pravaabarončuju dziejnaść, padtrymaŭ pratestoŭcaŭ u Iranie i zaklikaŭ mižnarodnyja arhanizacyi prykłaści ŭsie namahańni dla spynieńnia hvałtu z boku iranskaha režymu, piša «Viasna».
«Ź vialikim niepakojem i spadziavańniem uvieś śviet naziraje za tym, što siońnia adbyvajecca ŭ Iranie. Dziesiacihodździami kraina znachodzicca pad poŭnym kantrolem tatalitarnaha radykalnaha isłamskaha kiraŭnictva. U krainie adsutničajuć svaboda i demakratyja. Dziasiatki tysiačaŭ palitźniavolenych prajšli praź iranskija turmy, u tym liku nobieleŭskaja łaŭreatka premii miru Narhiz Machamadzi.
Voś ža zaraz iranski narod paŭstaŭ. U krainie adbyvajucca šmatlikija akcyi pratestu suprać biadotnaha ekanamičnaha stanovišča i adsutnaści svabodaŭ. U adkaz ułady vyklučyli internet i ŭžyli žorstkija miery pakarańnia pratestoŭcaŭ. Tysiačy ludziej aryštavanyja, katavanyja. Palicyja dy inšyja militarnyja padraździaleńni rasstrelvajuć mirnyja mitynhi i schody. Kolkaść achviaraŭ, siarod jakich žančyny i dzieci, pa paviedamleńniach iranskich pravaabaroncaŭ, idzie na tysiačy.
U hetaj krytyčnaj situacyi ja zachaplajusia mužnaściu pratestoŭcaŭ u Iranie, jakija, niahledziačy na śmiarotnuju niebiaśpieku, vystupajuć za svaje pravy i spraviadlivaść. Ja zaklikaju ŭsie mižnarodnyja arhanizacyi, urady demakratyčnych krain prykłaści ŭsie namahańni dla spynieńnia hvałtu z boku iranskich uładaŭ da mirnych pratestoŭcaŭ. Ja zaklikaju iranskija ŭłady pačuć hołas narodu i pačać pieramovy z demanstrantami.
Śviet pavinien spynić reki kryvi, jakija zatapili vulicy iranskich haradoŭ!», — zajaviŭ Aleś Bialacki.
U Iranie 28 śniežnia raspačalisia masavyja pratesty suprać urada krainy. Amal adrazu ŭłady pačali žorstkaje padaŭleńnie pratestaŭ, u vyniku čaho zahinuli, pa źviestkach Reuters, nie mienš za 2000 čałaviek. Aproč hetaha, pa papiaredniaj infarmacyi, bolš za 10 000 čałaviek byli aryštavanyja.
MZS Biełarusi vystupiła z zajavaj nakont situacyi ŭ Iranie
Viarchoŭny lidar Irana apublikavaŭ staryja fota pad vyhladam novych mitynhaŭ u padtrymku ŭłady
«Jamu faktyčna kaniec». Kancler Mierc zajaviŭ, što režym ajatoł u Iranie nabliziŭsia da krachu
ZŠA ŭzvažvajuć nastupny krok u dačynieńni da Irana — i sutykajucca sa składanym vybaram
Uładzimir Zialenski zaklikaŭ śviet dapamahčy narodu Irana zrynuć režym ajatoł
«Jany prosta praciahvali zabivać». Što vidavočcy kažuć pra kryvavaje padaŭleńnie pratestaŭ u Iranie
Iranskija ŭłady naviazvajuć kantakty z kiraŭnictvam ZŠA
Ciapier čytajuć
«Pajšli nach*j vy i vaš «Baćka», pi***asy!» Pjanyja pryhody zrabili armianina Jarvanda palitviaźniem. Ciapier jon zmahajecca z prablemami ŭ Polščy3
Kamientary
A spačatku uzhadajcie kali ni pamiatajecie
Nahadaju Aleś Bialacki admatał dva termina ( ahułam 10 hod) za Abaronu Prava biełarusaŭ u 10 i 2021 i ( kab ni mierźli i ni pakutavali a hodna prystojna pa Zakon Prava žyli)