Нобелеўскі лаўрэат прэміі міру і кіраўнік праваабарончага цэнтра «Вясна» Алесь Бяляцкі, які і сам яшчэ нядаўна знаходзіўся ў зняволенні за сваю праваабарончую дзейнасць, падтрымаў пратэстоўцаў у Іране і заклікаў міжнародныя арганізацыі прыкласці ўсе намаганні для спынення гвалту з боку іранскага рэжыму, піша «Вясна».
«З вялікім непакоем і спадзяваннем увесь свет назірае за тым, што сёння адбываецца ў Іране. Дзесяцігоддзямі краіна знаходзіцца пад поўным кантролем таталітарнага радыкальнага ісламскага кіраўніцтва. У краіне адсутнічаюць свабода і дэмакратыя. Дзясяткі тысячаў палітзняволеных прайшлі праз іранскія турмы, у тым ліку нобелеўская лаўрэатка прэміі міру Наргіз Махамадзі.
Вось жа зараз іранскі народ паўстаў. У краіне адбываюцца шматлікія акцыі пратэсту супраць бядотнага эканамічнага становішча і адсутнасці свабодаў. У адказ улады выключылі інтэрнэт і ўжылі жорсткія меры пакарання пратэстоўцаў. Тысячы людзей арыштаваныя, катаваныя. Паліцыя ды іншыя мілітарныя падраздзяленні расстрэльваюць мірныя мітынгі і сходы. Колькасць ахвяраў, сярод якіх жанчыны і дзеці, па паведамленнях іранскіх праваабаронцаў, ідзе на тысячы.
У гэтай крытычнай сітуацыі я захапляюся мужнасцю пратэстоўцаў у Іране, якія, нягледзячы на смяротную небяспеку, выступаюць за свае правы і справядлівасць. Я заклікаю ўсе міжнародныя арганізацыі, урады дэмакратычных краін прыкласці ўсе намаганні для спынення гвалту з боку іранскіх уладаў да мірных пратэстоўцаў. Я заклікаю іранскія ўлады пачуць голас народу і пачаць перамовы з дэманстрантамі.
Свет павінен спыніць рэкі крыві, якія затапілі вуліцы іранскіх гарадоў!», — заявіў Алесь Бяляцкі.
У Іране 28 снежня распачаліся масавыя пратэсты супраць урада краіны. Амаль адразу ўлады пачалі жорсткае падаўленне пратэстаў, у выніку чаго загінулі, па звестках Reuters, не менш за 2000 чалавек. Апроч гэтага, па папярэдняй інфармацыі, больш за 10 000 чалавек былі арыштаваныя.
МЗС Беларусі выступіла з заявай наконт сітуацыі ў Іране
Вярхоўны лідар Ірана апублікаваў старыя фота пад выглядам новых мітынгаў у падтрымку ўлады
«Яму фактычна канец». Канцлер Мерц заявіў, што рэжым аятол у Іране наблізіўся да краху
ЗША ўзважваюць наступны крок у дачыненні да Ірана — і сутыкаюцца са складаным выбарам
Уладзімір Зяленскі заклікаў свет дапамагчы народу Ірана зрынуць рэжым аятол
«Яны проста працягвалі забіваць». Што відавочцы кажуць пра крывавае падаўленне пратэстаў у Іране
Іранскія ўлады навязваюць кантакты з кіраўніцтвам ЗША
Цяпер чытаюць
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза14
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1616
Каментары
А спачатку узгадайце калі ні памятаеце
Нагадаю Алесь Бяляцкі адматал два тэрміна ( агулам 10 год) за Абарону Права беларусаў у 10 і 2021 і ( каб ні мерзлі і ні пакутавалі а годна прыстойна па Закон Права жылі)