Premjer-ministarka Litvy Inha Ruhinienie paviedamiła, što ZŠA papiaredzili litoŭski bok pra svaje namiery adnosna Biełarusi, ale nie akazvali cisku z patrabavańniem asłabić sankcyi, piša Delfi.lt. Pavodle jaje słoŭ, amierykancy tolki adznačyli, što płanujuć abmiarkoŭvać ź Biełaruśsiu temu kalijnych uhnajeńniaŭ, padkreśliŭšy, što heta nie tyčycca Litvy. Paśla hetaha da pytańnia bolš nie viartalisia, i litoŭski ŭrad nie staŭ raźvivać temu biez dadatkovych sihnałaŭ.
Ruhinienie taksama raskazała, što ZŠA dapamahli Litvie ŭ vyrašeńni prablemy ź mieteazondami z kantrabandaj ź Biełarusi, jakija vosieńniu minułaha hoda paralizavali pracu litoŭskich aeraportaŭ.
Dypłamatyčnyja sproby damovicca ź Minskam tady nie dali vyniku, bo ź biełaruskaha boku nie było ni adkazu, ni žadańnia spynić paloty zondaŭ.
U vyniku zakryćcio miažy z boku Litvy i padtrymka ZŠA dazvolili źnizić intensiŭnaść hibrydnaj ataki i adnavić dypłamatyčny dyjałoh.
Pavodle premjer-ministarki Litvy, supracoŭnictva z ZŠA praciahvajecca i ciapier — u tym liku dziela vyzvaleńnia litoŭskich fur, jakija zatrymali ŭ Biełarusi. Jana adznačyła, što kantakty z amierykanskim bokam adbyvajucca štodzionna i tyčacca nie tolki transpartnaj śfiery. Ruhinienie zhadała taksama śniežańskaje vyzvaleńnie palitviaźniaŭ u Biełarusi i padkreśliła, što jość šmat pytańniaŭ, jakija Litva ŭzhadniaje z ZŠA i nadalej.
Adnačasova kiraŭnica litoŭskaha ŭrada vykazała niezadavolenaść tym, što litoŭskija biznes-asacyjacyi nie mohuć dakładna skazać, kolki fur nasamreč zastałosia ŭ Biełarusi i dzie ciapier znachodzicca hruz. Jana padkreśliła, što sam fakt pierasiačeńnia miažy jašče nie aznačaje, što mašyna zatrymanaja mienavita tam.
Ruhinienie nahadała, što biznes zahadzia papiaredžvali pra ryzyki pieravozak u Biełaruś, bo ŭłady hetaj krainy mohuć u luby momant pryniać niepradkazalnyja rašeńni. Litva, pavodle jaje słoŭ, nie źbirajecca paddavacca šantažu.
Kryzis na miažy ŭźnik paśla sieryi atak z vykarystańniem mieteazondaŭ z kantrabandaj, što prymusiła litoŭski ŭrad časova zakryć punkty propusku «Miedniki» i «Salečniki». U adkaz u Biełarusi zabaranili ruch litoŭskich fur pa svajoj terytoryi i ŭviali płatnyja stajanki dla zatrymanych mašyn. Choć dva pierachody adkryli raniej zapłanavanaha terminu, prablema tak i nie była vyrašanaja: fury pa-raniejšamu nie mohuć pakinuć Biełaruś.
Pavodle źviestak litoŭskaj mytni, u Biełarusi zatrymana da 200 fur ź litoŭskimi numarami, u toj čas jak asacyjacyja pieravozčykaŭ Linava havoryć pra kala čatyroch tysiač transpartnych srodkaŭ. Na pačatak hetaha hoda situacyja nie źmianiłasia, i bolš za sto transpartnych kampanij padrychtavali kalektyŭny pazoŭ suprać litoŭskaha ŭrada.
Ruhinienie: Litva hatova razhledzieć zapyt ZŠA adnavić tranzit biełaruskich uhnajeńniaŭ, kali jon budzie
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»
«My całkam razumiejem, jakaja tam dziaržava». Litoŭskija pieravozčyki nie źbirajucca padavać pazovy ŭ biełaruskija sudy praz zatrymanyja fury
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi1111
Kamientary
tak, ZŠA nastupnaje pytańnie kryminalnaja blakada RB