Дактары распавялі пра расстрэлы пратэстоўцаў у Іране: сілавікі цэлілі ў вочы
Іранскія сілавікі падчас здушэння пратэстаў мэтанакіравана стралялі дэманстрантам у вочы, галаву і грудзі, піша BILD са спасылкай на расследаванне выдання The Sunday Times, заснаванае на сведчаннях медыкаў і відавочцаў.
Іранска-нямецкі афтальмахірург, прафесар Амір Параста, заявіў выданню пра «абсалютна новы ўзровень жорсткасці».
Паводле слоў медыка, толькі тэгеранская клініка Noor зафіксавала каля 7 тысяч агнястрэльных траўм вачэй.
«У нас так шмат раненняў вачэй, што мы не ведаем, каго лячыць першым», — распавёў адзін з дактароў.
«За адну ноч у Тэгеране прыйшлося выдаліць больш за 800 вачэй з-за раненняў. Па ўсёй краіне колькасць аслеплых можа перавышаць 8 тысяч», — паведаміла іншая крыніца.
«Стралялі людзям у патыліцу з дахаў. Калі мы спрабавалі дапамагчы параненым, па нас адкрылі агонь», — апісваюць відавочцы працу снайпераў.
Інтэрнэт у Іране адключаны з 8 студзеня, аднак сведчанні, фота і відэа ўсё ж прасочваюцца праз спадарожнікавую сувязь Starlink. Улады прызнаюць каля 5 тысяч загінулых, але дактары кажуць пра куды большыя маштабы гвалту.
-
«Паліць нафтаперапрацоўчыя заводы». Кіт Келаг параіў, што трэба рабіць Украіне пасля папярэджанняў Трампа
-
У Францыі хакеры ўзламалі халадзільнікі ў сотнях супермаркетаў. Замест мінусавой тэмпературы яны сталі даваць плюсавую
-
У Германіі затрымалі падазраваных у падпале станцыі Starlink у Польшчы. Яны іншаземцы
Каментары
Я разумею, што гэта проста копію артыкула напісанага іншымі людзьмі, але ж трэба неяк удакладняць самім як так сталася, што пасля стрэлаў у вочы, людзі заставаліся жывымі?
На колькі я разумею, гаворка ідзе пра агонь па пратэстоўцах гумовымі кулямі, бо калі б кулі былі баявымі, кожнае пападанне куляй у вока, гэта хэдшот і смерць.