Minskaja kandytarskaja fabryka «Kamunarka» vypuściła novuju pradukcyju, jakuju pakupniki ŭžo nazvali biełaruskim anałaham znakamitaha dziciačaha «Kindar-šakaładu», piša Telegraf.news.
Novy pradukt vyjšaŭ pad markaj «Lubimaja Alonka Baby» i pradstaŭleny ŭ zručnaj formie batončykaŭ z małočnym šakaładam i małočnaj načynkaj, ad jakich lohka adłomvać porcyi — padobna da kłasičnaha Kinder Chocolate.
Taki farmat viadomy va ŭsim śviecie i źjaŭlajecca aryhinalnaj raspracoŭkaj kampanii Ferrero, stvoranaj dla brendu ŭ 1968 hodzie. Biełaruskaja «Kamunarka», vidać, natchniłasia hetym zručnym farmatam — raniej kampanija ŭžo vypuskała padobnyja batončyki pad brendam «Dziciačyja historyi».
Pa canie novy pradukt užo pieraŭzychodzić italjanski aryhinał: kali Kinder u biełaruskich kramach kaštuje bolš za 12 rubloŭ za 100 hramaŭ, to «Alonku Baby» možna kupić u try razy tańniej — za 3,97 rubla za toj ža vahavy błok.
Što da smaku — tut dumki mohuć być roznymi, tamu lepš samomu pakaštavać. Na siońnia batončyki ŭžo možna znajści ŭ firmovych kramach «Kamunarki» ŭ Minsku, a ŭ inšyja kramy ich abiacajuć pastavić u najbližejšy čas.
Darečy, da minułych Kaladaŭ i Novaha hoda fabryka pradstaviła jašče adnu svaju navinku — cukierki biez šakaładu, jakija taksama ŭžo zacikavili pakupnikoŭ.
Rabotnica «Kamunarki» šakavała pamieram navahodniaha padarunka ad pradpryjemstva
«Kamunarka» prakamientavali zakidy, što rasijskija školniki pjaniejuć ad jaje cukierak
Ci možna apjanieć ad cukierak «Staličnyja» i maroziva z takoj ža načynkaj? Voś što pakazaŭ ekśpierymient
U Biełarusi vypuścili marožanaje sa smakam «Staličnych» cukierak
Ciapier čytajuć
Śviatłana Cichanoŭskaja zaviała treds. Što joj pišuć biełarusy?6
Kamientary