Alaksandr Łukašenka 17 maja padpisaŭ ukaz ab uznaharodžańni dziaržaŭnymi ŭznaharodami 40 čałaviek.
Ordena Ajčyny III stupieni ŭdastojeny staršynia Nacyjanalnaha statystyčnaha kamiteta Uładzimir Zinoŭski. Ordena «Za słužbu Radzimie» III stupieni — kamandzir voinskaj čaści 7434 unutranych vojskaŭ Ministerstva ŭnutranych spraŭ pałkoŭnik Siarhiej Kraŭčenia.
Ordenam Pašany ŭznaharodžany mular budaŭničaha ŭpraŭleńnia numar 256 AAT «MAPID» Fiodar Rusak. Ordenam Francyska Skaryny — prafiesar kafiedry bajana i akardeona Biełaruskaj dziaržaŭnaj akademii muzyki Michaił Sołapaŭ.
Šerah hramadzian udastojeny miedaloŭ «Za adznaku ŭ voinskaj słužbie», «Za adznaku ŭ achovie hramadzianskaha paradku», «Za pracoŭnyja zasłuhi».
Hetym ža ŭkazam hałoŭnamu kanstruktaru zamiežnaha pryvatnaha ŭnitarnaha vytvorča‑handlovaha pradpryjemstva «Miedpraminviest» kampanii «SURMIEKS Sp.zo.o.» Mikałaju Staravieravu prysvojena hanarovaje zvańnie «Zasłužany vynachodnik Respubliki Biełaruś», načalniku Dziaržaŭnaha ekśpiertna‑kryminalistyčnaha centra MUS pałkoŭniku milicyi Uładzimiru Aŭsiańnikavu — «Zasłužany supracoŭnik orhanaŭ unutranych spraŭ Respubliki Biełaruś», trenieru‑vykładčyku Barysaŭskaj kompleksnaj dziciača‑iunackaj spartyŭnaj škoły prafsajuzaŭ Arturu Bykavu — zvańnie «Zasłužany trenier Respubliki Biełaruś».‑
Kamientary