Pakul u Biełarusi hramadskaja kampanija «Havary praŭdu» źbiraje podpisy, kab adna sa stancyjaŭ minskaha mietro nasiła imia Bykava, u Maskvie ad zadumy nazvać stancyju ŭ honar svajho kłasika, zdajecca, admovilisia.
Maskoŭskaja meryja zachacieła zrabić daninu pavahi kłasiku rasijskaj litaratury, Fiodaru Dastajeŭskamu, i navat užo nazvała była ŭ jahony honar stancyju mietro. Ale ŭračystaje adkryćcio ŭžo katory raz adkładajecca. Pavodle kiraŭnictva mietrapalitena pryčyny zatrymki samaja prazaičnaja: niehatoŭnaŭnaść budaŭničaha abjekta da zdačy. Adnak pavodle viersijaŭ, pašyranych u rasijskich ŚMI, vinavataja ŭsio ž proza Dastajeŭskaha. Ci dakładniej jaje ŭvasableńnie na stancyjnaj mazaicy. Aŭtar mazaiki mastak Ivan Nikałajeŭ vyjaviŭ na adnym sa svaich naściennych tvoraŭ mužčynu, jaki źbirajecca apuścić siakieru na staruju žančynu, a na inšym — čałavieka, jaki pryciskaje da skroni pistalet. Hetak mastak sprabavaŭ padać samyja napružanyja momanty najbolš značnych tvoraŭ Fiodara Michajłaviča. Ciapier, pavodle rasijskich ŚMI, praz hetuju mazaiku ŭłady Maskvy chočuć pierarabić interjer stancyi i navat uvohule źmianić nazvu prypynku, pakolki psichołahi miarkujuć, što nadta pryhniečanyja karystalniki mietro panadziacca pryjazdžać siudy, kab skončyć žyćcio samahubstvam mienavita na stancyi nazvanaj u honar aŭtara «Złačynstva i pakarańnia» i «Biesaŭ».
Darečy, u Sankt-Pieciarburhu ad 1990 hoda ŭžo dziejničaje stancyja z takim samym nazovam, «Dastajeŭskaja», ale nijakich trahičnych vypadkaŭ samahubstva tam nie nazirałasia.
Ciapier čytajuć
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii10
Kamientary