Dla paskareńnia budaŭnictva mietro ŭ Minsku zakupili druhuju «Alesiu»
Budaŭnictva novych stancyj minskaha mietro płanujuć istotna paskoryć dziakujučy źjaŭleńniu druhoha tuneleprachodčaha miechanizavanaha kompleksu. Pytańni tempaŭ budaŭnictva mietro i prajektavańnia čaćviortaj linii abmiarkoŭvalisia 4 lutaha na naradzie ŭ staršyni Minharvykankama Uładzimira Kucharava.
U červieni 2025 hoda dla budaŭnictva troch stancyj Zialonałužskaj linii — «Kamaroŭskaja», «Piarespa» i «Park Družby narodaŭ» — pačaŭ pracu kompleks «Alesia», jaki zdolny prakładvać da 250 mietraŭ tunela ŭ miesiac. Ciapier idzie ŭźviadzieńnie stancyi «Park Družby narodaŭ» kala płoščy Banhałor, a sama «Alesia» pracuje na «Kamaroŭskaj». U lutym płanujecca, što kompleks vyjdzie za miežy hetaj stancyi i praciahnie ruch u bok «Piarespy», a potym i da «Jubilejnaj płoščy».
Jak paviedamiŭ kiraŭnik dyrekcyi pa budaŭnictvie Minskaha mietrapalitena Ivan Mikulski, kompleks užo prajšoŭ kala kiłamietra, napieradzie zastajecca jašče prykładna dva. Zaviaršyć prakładku tunelaŭ płanujuć naprykancy 2027 hoda.
Kab pavialičyć tempy rabot, byŭ zakupleny druhi tuneleprachodčy kompleks, a taksama abstalavańnie dla vyrabu vysokadakładnaha tunelnaha azdableńnia. Čakajecca, što hety kompleks chutka pastupić u Biełaruś i pačnie pracu ad stancyi «Park Družby narodaŭ».
Što da źniešniaha vyhladu novych stancyj, to hałoŭny inžynier «Minskmietraprajekta» Hieorhij Pratasaŭ adznačyŭ, što ŭpor zrobiać na architekturnyja i śviatłavyja rašeńni, admoviŭšysia ad tradycyjnaha azdableńnia.
Stancyi «Piarespa» i «Kamaroŭskaja» buduć padobnyja pa kanstrukcyi, ale adroznyja pa afarmleńni: «Kamaroŭskuju» vykanajuć u ciopłych, «vohniennych» tanach, a «Piarespu» — u chałodnaj, błakitnaj hamie sa śviacilniami, jakija nahadvajuć płyń vady.
Takim čynam, u dyzajnie novych stancyj płanujuć adyści ad praźmiernaha dekoru i zasiarodzicca na architektury i śviatle.
Za piać hadoŭ u Minsku adkryjuć try novyja stancyi mietro
Ci žyvuć u minskim mietro vielizarnyja pacuki?
U minskim mietro patłumačyli, dla čaho adličvajuć na hadzińnikach čas ad adpraŭleńnia ciahnika, a nie da jaho prybyćcia
U minskim mietro raskazali, što chavajecca za zahadkavymi dźviaryma na ścienach stancyj
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ9
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1919
Kamientary