U Minsku ŭ miežach najbližejšaj piacihodki płanujuć adkryć try novyja stancyi mietro na treciaj linii. Pra heta paviedamiŭ dyrektar Minskaha mietrapalitena Alaksiej Šyłaŭ, piša BiełTA.
Raźvićcio minskaj padziemki, sa słoŭ Alaksieja Šyłava, budzie praciahvacca: paskorana budaŭnictva treciaj, Zialonałužskaj linii da stancyi «Park Družby narodaŭ» na płoščy Banhałor, a taksama pačniecca ŭźviadzieńnie čaćviortaj — kalcavoj — linii. Dla hetaha zakupleny druhi tuneleprachodčy kompleks, što dazvolić adnačasova budavać dva tuneli.
Ruch pa novym učastku treciaj linii płanujuć adkryć u miežach piacihodki, paśla čaho abiedźvie mašyny pierakinuć na budaŭnictva kalcavoj linii — ad «Puškinskaj» da budučaj stancyi «Charkaŭskaja». Prajektavańnie idzie paskoranymi tempami, a značnuju častku rabot na kalcavoj linii płanujuć vykanać za piać hadoŭ.
Intervały ruchu ciahnikoŭ zastanucca raniejšymi: u hadziny pik 2 chviliny na pieršaj linii i 2,5 chviliny na druhoj. Paśla adkryćcia novych stancyj treciaj linii pasažyrapłyń na joj užo vyrasła amal na 218%, i taki ž rost čakajecca z uvodam jašče troch stancyj. Heta daść mahčymaść pierasiakać horad za 20—25 chvilin.
Sa słoŭ dyrektara mietrapalitena, u 2025 hodzie mietro pieraviezła 267 miljonaŭ pasažyraŭ — u siarednim kala 730 tysiač čałaviek štodnia. Letaś nabyli 20 novych vahonaŭ, a ciapier rychtujecca pastaŭka jašče 15.
Siońnia mietrapaliten zabiaśpiečvaje kala 36,6% usich haradskich pieravozak Minska, a paśla adkryćcia stancyi na płoščy Banhałor kolkaść pasažyraŭ moža dasiahnuć 800 tysiač na dzień, što pavialičyć dolu mietro da 40%.
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary
Dojnuju korovu, v vidie BiełŽd, pririezali i pustili na miaso, kto śledujuŝij na miesto BiełŽd ?