Biełaruskija sanatoryi ŭraŭnujuć ceny na adpačynak dla biełarusaŭ i rasijan
Biełaruskija sanatoryi rychtujucca spynić praktyku, kali dla biełarusaŭ adpačynak kaštavaŭ tańniej, čym dla rasijan. Tłumačać heta adzinaj cenavaj palitykaj dla ŭsich hramadzian tak zvanaj Sajuznaj dziaržavy. Na praktycy, vyhladaje, heta aznačaje, što biełarusam pryjdziecca płacić pa rasijskich ceńnikach.
Jak paviedamiŭ dyrektar Respublikanskaha centra pa azdaraŭleńni Hienadź Bałbatoŭski, pytańnie ŭžo vyrašana na ŭzroŭni Savieta ministraŭ Sajuznaj dziaržavy. Kali raniej biełaruskija sanatoryi tradycyjna trymali nižejšyja ceny dla suajčyńnikaŭ, kab zrabić adpačynak dastupnym, to ciapier budzie inakš, piša «Sputnik».
Pavodle słoŭ Bałbatoŭskaha, «viadziecca płanamiernaja rabota pa vypracoŭcy adzinaj cenavaj palityki i stvareńni roŭnych pravoŭ dla hramadzian Sajuznaj dziaržavy».
«Darečy, heta była tema dla abmierkavańnia na sajuznym Saŭminie ŭ paniadziełak. Pryniata rašeńnie, heta značyć paśladoŭna na praciahu hoda hetuju rabotu zaviaršyć», — skazaŭ Bałbatoŭski.
Ciapier čytajuć
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich4
Kamientary