U niamieckim horadzie Aŭhsburh u Bavaryi palicyja zatrymała 31‑hadovaha kiroŭcu, jaki jechaŭ pa vulicach na vysokaj chutkaści ŭ stanie ałkaholnaha apjanieńnia i stvaraŭ niebiaśpieku dla darožnaha ruchu, piša sajt «Biełaruś i mir».
Padzieja adbyłasia ranicaj u subotu, 31 studzienia, kala 5:30. Aŭtamabil parušaŭ praviły darožnaha ruchu, u tym liku ruchaŭsia pa piešachodnaj zonie na płoščy Kionihspłac. Kali palicyja zapatrabavała spynicca, kiroŭca nie adreahavaŭ i na vialikaj chutkaści źjechaŭ, paśla čaho siłaviki musili kinucca ŭ pahoniu.
Palicejskija pieraśledavali mužčynu amal da vyjezdu z horada. Padčas pieraśledu kiroŭca rabiŭ niebiaśpiečnyja manieŭry, sprabavaŭ taranić palicejski aŭtamabil i prabiŭ varoty, zajechaŭšy na terytoryju adnaho z pradpryjemstvaŭ.
Urešcie jaho zatrymali na miescy, kanfiskavali paśviedčańnie kiroŭcy i klučy ad aŭto, a mašynu evakujavali. Ałkatestar pakazaŭ kala 1,4 pramile ałkaholu ŭ kryvi.
Varta adznačyć, što mužčyna maje dva hramadzianstvy — biełaruskaje i niamieckaje.
Ciapier čytajuć
Ejsmant: Łukašenka nie zmoža palacieć na Samit miru ŭ ZŠA, bo pavietranaja prastora Jeŭropy dla jaho zakrytaja21
Kamientary
[Zredahavana]