Adzinoki piensijanier z Bresta praz DNK-test znajšoŭ svaju dačku z Dalokaha Uschodu
Hetuju historyju, padobnaju da scenaryja filma, jakaja adbyłasia ŭ realnym žyćci z žycharom Bresta, raskazali ŭ Dziaržaŭnym kamitecie sudovych ekśpiertyz Bresckaj vobłaści. Za vyniki hetaj spravy pieražyvaŭ uvieś kalektyŭ, piša BiełTA.
Historyja pačałasia jašče ŭ časy Savieckaha Sajuza, raskazała ekśpiert-hienietyk Taćciana Kliza. Maładoha bieraściejca paśla vučoby raźmierkavali na Daloki Uschod. Tam jon sustreŭ dziaŭčynu, pačalisia adnosiny. Kali termin adpracoŭki skončyŭsia, chłopiec vyrašyŭ viartacca dadomu, ale dziaŭčyna nie zmahła pajechać ź im — jana dahladała chvoruju maci. Maładyja ludzi sprabavali padtrymlivać suviaź praź listy, ale z časam pierapiska spyniłasia, i ich šlachi razyšlisia.
Praz šmat hadoŭ mužčyna, užo budučy piensijanieram, vypadkova sustreŭ u Breście staroha znajomaha z Dalokaha Uschodu. U razmovie toj zhadaŭ, što byłaja kachanaja bieraściejca praź niekalki miesiacaŭ paśla jaho adjezdu naradziła dačku.
Mužčyna, jaki za ŭsio žyćcio tak i nie stvaryŭ siamju i nie mieŭ dziaciej, zahareŭsia nadziejaj. Sama žančyna ŭžo pamierła, ale jaje dačku ŭdałosia adšukać praz znajomych.
Kali jany sazvanilisia, dziaŭčyna raskazała, što jaje maci tak i nie vyjšła zamuž i pra baćku nikoli nie raspaviadała.
Mužčyna prapanavaŭ joj pryjechać u Brest, kab pravieści hienietyčnuju ekśpiertyzu.
Dziaŭčyna pieraadoleła tysiačy kiłamietraŭ, kab sustrecca z čałaviekam, jakoha nikoli nie bačyła. Supracoŭniki DKSE zhadvajuć, što ŭvieś kalektyŭ trymaŭ kułački za hierojaŭ hetaj historyi.
Vynik ekśpiertyzy paćvierdziŭ: žychar Bresta sapraŭdy źjaŭlajecca bijałahičnym baćkam dziaŭčyny.
Ciapier čytajuć
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich4
Kamientary