Kampanija «ŁadaHarant», jakuju ŭ 1990‑ja stvaryŭ biznesmien Alaksiej Vahanaŭ dla inviestycyj u minskuju nieruchomaść, budzie zbankrutavanaja, piša vydańnie «Biełorusy i rynok».
U kancy 2025 hoda ŭładalniki kampanii, asnoŭnym ź jakich na hety momant źjaŭlajecca zarehistravanaja ŭ Niderłandach kampanija Bloom Finance Group, pryniali rašeńnie likvidavać biznes.
Pryčyny tłumačać dakumienty, jakija pastupili ŭ Ekanamičny sud Minska ŭ vyhladzie zajavy «ŁadaHarant» ab pryznańni jaje ekanamičnaj niepłaciežazdolnaści. Zhodna ź imi, zavinavačanaść deviełapiera pierad kredytorami składaje bolš za 4,4 miljona rubloŭ, a aktyvaŭ chapaje, kab pakryć jaho tolki na čverć.
«ŁadaHarant» była stvoranaja ŭ 1995 hodzie, a z kanca 1990‑ch vykarystoŭvałasia Alaksiejem Vahanavym dla inviestycyj u nieruchomaść. Kampanija vystupała zabudoŭščykam jaho rodnaj Hrušaŭki. Ale jana nie zmahła spravicca z abjomami, u vyniku Hrušaŭka była addadziena pad zabudovu inšym deviełapieram.
Alaksiej Vahanaŭ u 1990‑ia i ŭ pačatku 2000‑ch uvachodziŭ u top-10 samych upłyvovych biznesoŭcaŭ krainy. Pieršapačatkovy kapitał jon zarabiŭ na handli Ford i vytvorčaści harełki ŭ Rasii, a viadomaść nabyŭ dziakujučy stvoranym pry jaho aktyŭnym udziele zavodam «Ford Junijan», «MAZ-MAN» i «Jalizava». Taksama biznesmien źjaŭlaŭsia inviestaram «8‑ha kanała».
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1515
Kamientary