Кампанія «ЛадаГарант», якую ў 1990‑я стварыў бізнэсмен Аляксей Ваганаў для інвестыцый у мінскую нерухомасць, будзе збанкрутаваная, піша выданне «Белорусы и рынок».
У канцы 2025 года ўладальнікі кампаніі, асноўным з якіх на гэты момант з’яўляецца зарэгістраваная ў Нідэрландах кампанія Bloom Finance Group, прынялі рашэнне ліквідаваць бізнэс.
Прычыны тлумачаць дакументы, якія паступілі ў Эканамічны суд Мінска ў выглядзе заявы «ЛадаГарант» аб прызнанні яе эканамічнай неплацежаздольнасці. Згодна з імі, завінавачанасць дэвелапера перад крэдыторамі складае больш за 4,4 мільёна рублёў, а актываў хапае, каб пакрыць яго толькі на чвэрць.
«ЛадаГарант» была створаная ў 1995 годзе, а з канца 1990‑х выкарыстоўвалася Аляксеем Ваганавым для інвестыцый у нерухомасць. Кампанія выступала забудоўшчыкам яго роднай Грушаўкі. Але яна не змагла справіцца з аб’ёмамі, у выніку Грушаўка была аддадзена пад забудову іншым дэвелаперам.
Аляксей Ваганаў у 1990‑я і ў пачатку 2000‑х уваходзіў у топ-10 самых уплывовых бізнэсоўцаў краіны. Першапачатковы капітал ён зарабіў на гандлі Ford і вытворчасці гарэлкі ў Расіі, а вядомасць набыў дзякуючы створаным пры яго актыўным удзеле заводам «Форд Юніян», «МАЗ-МАН» і «Ялізава». Таксама бізнэсмен з’яўляўся інвестарам «8‑га канала».
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары