Lego i Crocs vypuścili niezvyčajnuju paru abutku. Kaštuje jana 150 jeŭra
U padarunak idzie mini-fihurka Lego.
Dackaja kampanija Lego i amierykanski brend Crocs vypuścili sumiesnuju paru abutku. Heta hruvastkija jarka-čyrvonyja kroksy, stylizavanyja pad kanstruktar. Madel nazyvajecca Lego Brick Clog.
Abutak chutčej kalekcyjny, a nie štodzionny. Palimierny materyjał toj ža, što i ŭ zvyčajnych kroksach.
Da pary prykładajecca mini-fihurka Lego ź minijaciurnymi kroksami.
U Jeŭropie heta madel abutku pradajecca za 150 jeŭra.
Ci zručna ŭ hetaj navincy? Žurnalist The Guardian prateściŭ kroksy, prachadziŭšy ŭ ich dzień. «Tyja tufli — heta nie abutak, a ceły pierformans pra tryumf navizny nad zdarovym sensam. Maje nohi vyžyli — ledź-ledź, — ale majmu eha patrabujecca kapitalny ramont. Kali moda — heta sapraŭdy pieravaha straści nad praktyčnaściu, to ja, badaj, zastanusia nievukam u modzie, vialiki dziakuj», — napisaŭ jon.
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary