«Vybary ŭ miascovyja saviety čarhovy raz prademanstravali, što bałbatunam i łajdakam nie miesca siarod deputataŭ», zajaviŭ Alaksandr Łukašenka na naradzie z aktyvam Hrodzienskaj vobłaści 22 maja.
«Ludzi prahałasavali za tych, chto kirujecca nie asabistymi ambicyjami abo pryvatnymi palityčnymi intaresami, a patrebami svaich vybarščykaŭ», – skazaŭ Łukašenka, słovy jakoha pryvodzić pres-słužba prezidenta.
Taksama Łukašenka zajaviŭ pra adsutnaść u Biełarusi nacyjanalnych mienšaściaŭ.
«Niama ŭ nas polskaj, ruskaj, ukrainskaj, jaŭrejskaj i inšych nacmienšaściaŭ, u nas jość hramadzianie našaj krainy. I nam absalutna abyjakava, chto jany pa nacyjanalnaści. Nam važna, kab heta byŭ prafiesijanał i hramadzianin našaj krainy».
Zakranuŭšy «polskaje pytańnie», jon zajaviŭ: «Viadoma, lubomu hramadzianinu zrazumieła: vinavacić Biełaruś u niaŭvazie da etničnych pytańniach, u najaŭnaści kanfliktaŭ na nacyjanalnaj hlebie – usio roŭna, što skardzicca na niedachop piasku ŭ Sachary».
Pa słovach Łukašenki, u Biełarusi ŭdałosia zachavać mižkanfiesijnaje i nacyjanalnaje adzinstva. «Nijakich mienšaściaŭ u nas niama, u nas adzinaja manalitnaje hramadstva, a toje, što ŭ kahości ŭ žyłach ciače polskaja kroŭ, a nie ruskaja ci biełaruskaja, to jakaja roźnica?! Jana što, nie taho koleru?! Heta maja pryncypovaja pazicyja», -- skazaŭ biełaruski kiraŭnik, paviedamlaje BiełaPAN.
Taksama Łukašenka, pradstaŭlajučy novaha kiraŭnika vobłaści Siamiona Šapiru, padvierh rezkaj krytycy dziejnaść papiaredniaha kiraŭnika – Uładzimira Saŭčanku.
Pryčym hety pasaž u «Panaramie» čamuści navat paŭtaryli.
