У нас ёсць грамадзяне нашай краіны.
«Выбары ў мясцовыя саветы чарговы раз прадэманстравалі, што балбатунам і лайдакам не месца сярод дэпутатаў», заявіў Аляксандр Лукашэнка на нарадзе з актывам Гродзенскай вобласці 22 мая.
«Людзі прагаласавалі за тых, хто кіруецца не асабістымі амбіцыямі або прыватнымі палітычнымі інтарэсамі, а патрэбамі сваіх выбаршчыкаў», – сказаў Лукашэнка, словы якога прыводзіць прэс-служба прэзідэнта.
Таксама Лукашэнка заявіў пра адсутнасць у Беларусі нацыянальных меншасцяў.
«Няма ў нас польскай, рускай, украінскай, яўрэйскай і іншых нацменшасцяў, у нас ёсць грамадзяне нашай краіны. І нам абсалютна абыякава, хто яны па нацыянальнасці. Нам важна, каб гэта быў прафесіянал і грамадзянін нашай краіны».
Закрануўшы «польскае пытанне», ён заявіў: «Вядома, любому грамадзяніну зразумела: вінаваціць Беларусь у няўвазе да этнічных пытаннях, у наяўнасці канфліктаў на нацыянальнай глебе – усё роўна, што скардзіцца на недахоп пяску ў Сахары».
Па словах Лукашэнкі, у Беларусі ўдалося захаваць міжканфесійнае і нацыянальнае адзінства. «Ніякіх меншасцяў у нас няма, у нас адзіная маналітнае грамадства, а тое, што ў кагосьці ў жылах цячэ польская кроў, а не руская ці беларуская, то якая розніца?! Яна што, не таго колеру?! Гэта мая прынцыповая пазіцыя», -- сказаў беларускі кіраўнік, паведамляе БелаПАН.
Таксама Лукашэнка, прадстаўляючы новага кіраўніка вобласці Сямёна Шапіру, падверг рэзкай крытыцы дзейнасць папярэдняга кіраўніка – Уладзіміра Саўчанку.
Прычым гэты пасаж у «Панараме» чамусьці нават паўтарылі.
-
17‑гадовы хлопец жыве ў падвале. Ён загарнуўся ў чырвона-зялёны сцяг, каб Лукашэнка звярнуў на яго ўвагу
-
У адной з вёсак пад Мінскам з'явіўся музей дарожных знакаў. Іх тут некалькі, ёсць нават «пешаходны пераход»
-
Літоўскія памежнікі затрымалі на мяжы з Беларуссю 30 нелегалаў, якія вылазілі з падкопу на мяжы
Цяпер чытаюць
17‑гадовы хлопец жыве ў падвале. Ён загарнуўся ў чырвона-зялёны сцяг, каб Лукашэнка звярнуў на яго ўвагу8
Каментары