Hramadstva44

Łukašenka: Były kiraŭnik Hrodzienščyny straciŭ pačućcio adkaznaści

Hrodzienskuju vobłaść nieabchodna zrabić jeŭrapiejskim etałonam haspadarańnia na ziamli, prykładam dla astatnich rehijonaŭ krainy, zajaviŭ Alaksandr Łukašenka 22 maja na naradzie z aktyvam rehijonu.

«Hrodzienskaja vobłaść pavinna być sapraŭdnym fłahmanam u centry Jeŭropy, — cytuje Łukašenku pres-słužba prezidenta. — U pałovie, možna skazać, jana ŭžo takaja i jość, a ŭ pałovie treba vielmi mocna papracavać, kab za paŭtara-dva hady padciahnuć vobłaść da takoha ŭzroŭniu. I tady jana budzie kvitniejučym krajem».

Łukašenka ličyć, što novamu staršyni Hrodzienskaha abłvykankama Siamionu Šapiru pad siłu spravicca z hetaj zadačaj. Na pasadzie kiraŭnika vobłaści były ministr sielskaj haspadarki i charčavańnia byŭ zaćvierdžany 22 maja «adnahałosnym rašeńniem» deputataŭ abłsavieta.

Biełaruski kiraŭnik adznačyŭ, što na pasadu razhladalisia «dziesiatki kandydatur». U Šapiry jamu impanuje «valavy, rašučy, patrabavalny styl pracy».

Na dumku Łukašenki, adzin ź pieradavych rehijonaŭ krainy zdaje svaje pazicyi, mocnaja ahrarnaja vobłaść «faktyčna zastyła ŭ svaim raźvićci».

«Vy sapraŭdy siońnia va ŭsich adnosinach lepšaja vobłaść u krainie. Vy dasiahnuli peŭnaha vysokaha ŭzroŭniu u svaim raźvićci, vyjšli na jaho i tut spynilisia», — ličyć biełaruski kiraŭnik.

Jon adznačyŭ, što za čas kiraŭnictva vobłaściu Uładzimiram Saŭčankam na praciahu amal dzieviaci hadoŭ było zroblena šmat,

adnak rehijon nie ŭ poŭnaj miery realizavaŭ svoj vytvorčy i sacyjalna-kulturny patencyjał.

«Adbiłasia adsutnaść dakładnaj stratehii ŭ maksimalna efiektyŭnym vykarystańni najaŭnych mahčymaściej. U niemałoj stupieni ruchu napierad pieraškadžała i toje, što

zamiest mabilizacyi ludziej na ŭstaranieńnie niedachopaŭ Uładzimir Saŭčanka vielmi baluča reahavaŭ na krytyku (nie ad prezidenta, inšych), vyžyvaŭ niepažadanych jamu kiraŭnikoŭ.

Ale samaje hałoŭnaje — straciŭ pačućcio adkaznaści za daručany ŭčastak pracy», — paviedamiŭ Łukašenka. Pavodle jaho słoŭ, mienavita tamu było pryniata rašeńnie zadavolić prośbu Saŭčanki ab vyzvaleńni ad pasady.

Asablivuju ŭvahu novamu kiraŭnictvu vobłaści, adznačyŭ Łukašenka, nieabchodna źviarnuć na «zabieśpiačeńnie zapłanavanych tempaŭ rostu vytvorčaści pradukcyi pramysłovaści i spažyvieckich tavaraŭ, finansavaje azdaraŭleńnie subjektaŭ haspadarańnia, naroščvańnie tempaŭ inviestycyjnaj dziejnaści, raźvićcio śfiery płatnych pasłuh nasielnictvu, a taksama na vyrašeńnie pytańniaŭ zaniataści ludziej i dastojnaj apłaty pracy».

«Na 1 maja 2010 hoda na vobłaść prypadała bolš za 80% praterminavanaj zapazyčanaści pa zarabotnaj płacie pa krainie. Takoje sumnieŭnaje liderstva nie da tvaru Hrodzienščynie. Hetuju haniebnuju praktyku treba vykaraniać samym žorstkim čynam», — zajaviŭ Łukašenka.

Kamientary4

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

«Ja tolki adnaho chaču: kab vy pavieryli mnie znoŭ». Jak prajšła pieršaja akcyja Cichanoŭskaha ŭ Varšavie paśla vyzvaleńnia12

«Ja tolki adnaho chaču: kab vy pavieryli mnie znoŭ». Jak prajšła pieršaja akcyja Cichanoŭskaha ŭ Varšavie paśla vyzvaleńnia

Usie naviny →
Usie naviny

Što pabudujuć na miescy zavoda «Ahat» u Minsku1

Čamu ŭ biełaruskaj turmie tak mocna chudziejuć? Tłumačym19

Zatrymanyja dźvie hrupy «tajnych pakupnikoŭ», jakija kašmaryli kramy i AZS9

Čamu spartsmieny pjuć sok z salonych ahurkoŭ?2

Pamierła 47-hadovaja madel Alena Zapiekina

U Rasii fatohrafa asudzili da 16 hadoŭ za pieradaču amierykancu lehalnaj knihi pra savieckija bunkiery

Jeŭropa zmahła zachavać adzinstva z Trampam na vypadak napadu Rasii11

Biełarusbank abmiažoŭvaje źniaćcie najaŭnych z kartak3

U Armienii aryštavali archijepiskapa i jašče 16 zmoŭnikaŭ1

bolš čytanych navin
bolš łajkanych navin

«Ja tolki adnaho chaču: kab vy pavieryli mnie znoŭ». Jak prajšła pieršaja akcyja Cichanoŭskaha ŭ Varšavie paśla vyzvaleńnia12

«Ja tolki adnaho chaču: kab vy pavieryli mnie znoŭ». Jak prajšła pieršaja akcyja Cichanoŭskaha ŭ Varšavie paśla vyzvaleńnia

Hałoŭnaje
Usie naviny →

Zaŭvaha:

 

 

 

 

Zakryć Paviedamić