Čechija – Rasija – 2:1.
Zbornaja Čechii zavajavała załatyja miedali 74-ha čempijanatu śvietu pa chakiei, što prajšoŭ u Niamieččynie z 7 pa 23 maja. 23 maja ŭ finalnym matčy ŭ Kiolnie jana vyjhrała ŭ Rasii ź likam 2:1 (1:0, 1:0, 0:1).
Šajby: Klepiš (na 20-j siekundzie pieršaha pieryjadu), Ralinek – Daciuk.
Za 10 chvilin da kanca treciaha pieryjadu za siłavy pryjom suprać Jaramira Jahra, jaki atrymaŭ traŭmu, byŭ vydaleny da kanca matču (piać chvilin u mienšaści) rasijanin Alaksiej Jamielin.
Pry kancy treciaha pieryjadu niekalki siekundaŭ šaściora rasijan hulali suprać čatyroch čechaŭ (z hałkipieram Tomašam Vakoŭnam). A za 35 siekundaŭ da kanca treciaha pieryjadu Daciuk skaraciŭ lik.
Ale čechi vystajali.
Čechija z ulikam dasiahnieńniaŭ Čechasłavakii ŭ 12-ty raz stała najmacniejšaj kamandaj śvietu, a jak samastojna kamanda – šosty raz (1947, 1949, 1972, 1976, 1977, 1985, 1996, 1999, 2000, 2001, 2005, 2010).
Bronzavyja miedali zavajavała zbornaja Šviecyi, jakaja ŭ matčy za 3-je miesca vyjhrała ŭ haspadaroŭ spabornictvaŭ, kamandy Niamieččyny ź likam 3:1.
***
Zbornaja Biełarusi zaniała na čempijanacie 10-je miesca, nie prabiŭšysia ŭ čverćfinał. Na rachunku biełarusaŭ try pieramohi (Kazachstan – 5:2, Niamieččyna – 2:1-aviertajm, Danija – 2:1) i try parazy (Słavakija – 2:4, Rasija – 1:3, Finlandyja – 0:2).
Nastupny čempijanat śvietu projdzie ŭ 2011 hodzie ŭ Słavakii, Biełaruś na papiarednim etapie trapiła ŭ adnu hrupu z Kanadaj, Šviejcaryjaj i Francyjaj.
Ciapier čytajuć
Na pieradśmiarotnym videa z kałonii nasamreč byŭ nie Vitold Ašurak. Źjavilisia novyja padrabiaznaści śmierci palitviaźnia26
Kamientary