Lider kampanii «Havary praŭdu» Uładzimir Niaklajeŭ 24 maja davaŭ pres‑kanfierencyju z nahody niadaŭnich aryštaŭ i pieratrusaŭ.
Lider kampanii «Havary praŭdu» Uładzimir Niaklajeŭ 24 maja davaŭ pres‑kanfierencyju z nahody niadaŭnich aryštaŭ i pieratrusaŭ.
U čarhovy raz Niaklajevu zadali pytańnie, ci nie stajać za kampanijaj rasijskija hrošy? «Tut dziejańni ŭładaŭ i inšaha boku supadajuć całkam. Jany davodziać hetuju tezu, što Niaklajeŭ atrymlivaje hrošy z Kramla, što jon ahient.
Skažycie, navošta Maskvie padtrymlivać biełaruskaha paeta?», — kaža U.Niaklajeŭ.
Jon nazyvaje pravakacyjami takija čutki, choć jany dla jaho i nie stali niečakanymi. «Padčas hetych pieratrusaŭ śpiecsłužby šukali rasijski śled siarod svaich, siarod ludziej va ŭradzie, u administracyi prezidenta. Šukali, što niechta z čynoŭnikaŭ taksama moža być da hetaha zamiašany. Jany pačali bajacca sami siabie», — praciahvaje paet.
«Dapuścim, što hetyja hrošy ŭ nas jość. Skažycie, čamu kiepska havaryć praŭdu za rasijskija hrošy, a zajmacca mižkandydackimi razborkami za jeŭrapiejskija — možna?», — zadavaŭsia rytaryčnym pytańniem lider kampanii.
Pa vyzvaleńni Niaklajeŭ skazaŭ, što čakaŭ represij paśla abviaščeńnia ŭdziełu ŭ prezidenckaj kampanii. Dyk ci źbirajecca «Havary praŭdu» vyłučać svajho kandydata?
«Pieratrusami ŭłady pastavili nas u palityčnaje pole. U pačatku kampanii nie miełasia na ŭvazie, što niechta ad «Havary praŭdu» abaviazkova pojdzie na prezidenckija vybary.
Kali na vybary pojdzie dziesiać kandydataŭ, kali nie budzie adzinstva, to my budzie zmušanyja vyłučyć svajho kandydata — chaj heta budzie Hienadź Hrušavy ci Taćciana Proćka. My zakłapočanyja nie adsutnaściu adzinaha kandydata, a adzinstvam», — zaznačyŭ Niaklajeŭ.
Trahiedyja ŭ Dokšycach: skončyła žyćcio samahubstvam 15-hadovaja viaskovaja vydatnica1
Kamientary