Kiefirny pradukt z bakteryjaj daŭhalećcia chutka źjavicca ŭ mahazinach Biełarusi
Biełaruskija navukoŭcy rychtujucca zapuścić u prodaž «eliksir daŭhalećcia» — novy kiefirny pradukt, stvorany na asnovie daśledavańniaŭ hienatypu i mikrabijomu biełaruskich doŭhažycharoŭ.
Namieśnik dyrektara pa navukovaj rabocie Instytuta hienietyki i cytałohii Nacyjanalnaj akademii navuk Biełarusi Pavieł Marozik raskazaŭ BiełTA, što kiefirny pradukt z bakteryjaj daŭhalećcia akiermansijaj źjavicca ŭ mahazinach Biełarusi.
Jon zajaviŭ, što navukoŭcy Instytuta hienietyki i cytałohii NAN Biełarusi vyjavili ŭ biełarusaŭ, jakija žyvuć vielmi doŭha, asablivuju bakteryju — akiermansiju. Jana zdolnaja abnaŭlać ścienki kišečnika i zmahacca z zapaleńniami, što značna źnižaje ryzyku roznych zachvorvańniaŭ.
«My pravodzili daśledavańnie biełaruskich doŭhažycharoŭ. Mała taho što vyjavili ŭ ich šerah hienaŭ, jakija ŭdzielničajuć u abmienie białkoŭ, tłuščaŭ i vuhlavodaŭ, asacyjavanyja z ustojlivaściu da stresaŭ, ale i praviali analiz mikrabijoma. U vyniku čaho vyjavili bakteryju, jakaja abnaŭlaje ścienki kišečnika i takim čynam zmahajecca z zapaleńniem. Dziakujučy joj źnižajecca ryzyka zachvorvańniaŭ, što taksama padaŭžaje hady», — skazaŭ Marozik.
Kab hetaja bakteryja dapamahła kožnamu, navukoŭcy raspracavali ź joju kiefirny pradukt. Heta, pa ich zadumie, dazvolić «padsialić» karysnyja mikraarhanizmy ŭ arhanizm praz zvyčajnuju ježu.
Raspracoŭka ŭžo znachodzicca na finalnym etapie. Navukoviec kaža, što zusim chutka «kiefir daŭhalećcia» źjavicca na palicach biełaruskich kram i budzie dastupny dla ŭsich žadajučych.
Ciapier čytajuć
U Minsku zdajuć trochpakajoŭku ŭsiaho za $200, ułaśnik navat hatovy zamarozić staŭku na čatyry hady — pry adnoj umovie4
U Minsku zdajuć trochpakajoŭku ŭsiaho za $200, ułaśnik navat hatovy zamarozić staŭku na čatyry hady — pry adnoj umovie
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1212
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva12
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3232
Kamientary
Kolki masły šavielacca, stolki j hodzie...
Navat tyja, što vyšej za nieba, jakija dumajuć, što jany ŭ čakalacie, nie razumiejuć, što žyvuć u nianaviści, va ŭłasnaj, i z boku, dyk nachaleru jano im tut doŭhaje ?... At.
Mo hadoŭ tak cieraz 10 tys. niešta źmienicca ŭ lepšy bok, voś tady ŭžo možna budzie pić toj kiefir, a poki što zarana... Daremna staralisia.