Ukraincy ŭpieršyniu ŭ historyi źniščyli kapitalny most dronami. Avijaŭdary i «chajmarsy» raniej byli biaśsilnyja
Uzbrojenyja siły Ukrainy praviali apieracyju, padčas jakoj upieršyniu źniščyli most z vykarystańniem dronaŭ.
Jak paviedamlajecca, apieracyja praciahvałasia kala dvuch miesiacaŭ i była skiravanaja na Konkaŭski most cieraz Dniapro kala horada Aleški, jaki vykarystoŭvaŭsia dla zabieśpiačeńnia rasijskich pazicyj i abstrełaŭ Chiersona.
Spačatku sproby razburyć most z dapamohaj zvyčajnych srodkaŭ — avijaŭdaraŭ i sistem typu HIMARS — nie dali vyniku, bo kanstrukcyja akazałasia tryvałaj.
Pavarotnym momantam stała vyjaŭleńnie słabych miescaŭ aporaŭ mosta: adzin z rasijskich vajskoŭcaŭ apublikavaŭ fota, pa jakim ukrainskija analityki zmahli vyznačyć uraźlivyja zony, paviedamlaje vydańnie The Telegraph.
Paśla hetaha da apieracyi dałučyŭsia 426‑ty połk bieśpiłotnych sistem marskoj piachoty. Jany raspracavali śpiecyjalny kumulatyŭny zarad i pačali nanosić udary pa aporach źnizu, a nie pa vierchniaj častcy mosta.
Dla dastaŭki vybuchoŭki vykarystoŭvali ciažkija drony, jakija mahli padymać značnyja hruzy. Jany nabližalisia da mosta i akuratna apuskali zarady na trosach u patrebnyja punkty. Takija dziejańni paŭtaralisia šmat razoŭ na praciahu niekalkich tydniaŭ, što pastupova asłabiła kanstrukcyju. Takim čynam było dastaŭlena da paŭtary tony vybuchoŭki.
U vyniku, kali most užo byŭ istotna paškodžany, pa im nanieśli finalny rakietny ŭdar, paśla čaho jon abvaliŭsia.
Asablivaść hetaj apieracyi ŭ tym, što vykarystoŭvalisia cyvilnyja hruzavyja drony, jakija pieršapačatkova nie pryznačalisia dla vajskovych zadač, ale byli adaptavanyja dla bajavych umoŭ.
MZS Rasii pryhraziła adkazam krainam Bałtyi praz toje, što jany nibyta adkryli pavietranuju prastoru dla ŭkrainskich dronaŭ
Ukraina prapanavała Jeŭropie razam raspracoŭvać alternatyvu Patriot
Ukraina paraziła rasijski frehat, ź jakoha bili kryłatymi rakietami
Drony atakavali bujny NPZ i CEC pad Nižnim Noŭharadam
«Zroblena chatnimi haspadyniami». Kiraŭnik Rheinmetall pahardliva vykazaŭsia pra ŭkrainskija drony, ukraincy jamu adkazali
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ34
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary
[Zredahavana]