Novaje biełaruskaje telebačańnie ŭ chutkim časie pačnie viaščańnie na Biełaruś. U paniadziełak varšaŭskija specyjalisty pačali rychtavać kandydataŭ na pasady karespandentaŭ dla pracy na televizii «Biełaruś TV», što maje pačać viaščańnie z polskaj stalicy praz spadarožnik uviesnu nastupnaha hodu.
Pieršaja hrupa ŭ składzie 12 čałaviek u pryharadzie Varšavy – Falenicy, prachodzić ciapier dvuchtydniovaje abučeńnie. Prahramu adkryli kiraŭnik prajektu ź biełaruskaha boku dziejač telebačańnia Eduard Mielnikaŭ dy polski medyjalny trenier – reparcior Adam Rahala.
Pa słovach arhanizataraŭ prajektu, za 14 dzion navučańnia z 10-hadzinnymi zaniatkami kandydaty majuć prajści prahramu, na jakuju polskija studenty traciać ad troch da šaści miesiacaŭ.
Siarod vykładčykaŭ – adzin z zasnavalnikaŭ Biełaruskaj redakcyi Polskaha radyjo Marcin Śmiałoŭski, były supracoŭnik ambasady Polščy ŭ Miensku Marek Bućka, jakoha departavali ŭ červieni minułaha hodu dy šmat inšych. Pra pravy i abaviazki žurnalista ŭ Biełarusi ŭ pieršy ž dzień navučańnia raspavioŭ juryst Biełaruskaj asacyjacyi žurnalistaŭ Andrej Bastuniec.
Navučańnie pieršaj hrupy budučych teležurnalistaŭ, jak miarkujecca, praciahniecca da kanca vieraśnia, paśla čaho na źmienu pryjeduć nastupnyja 12 čałaviek.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)